SuperDizionari

distruzi v.tr.
(dis-tru-zi)

Fâ dams a alc, o ancje a cdn., fintremai che al cesse di esisti o che al piert integritât e funzionalitât (ancje ass.)

sinonims

butâ a cuarts, disfâ, devastâ, disdrumâ, dissipâ, parâ a bocons, parâ a fruçons, parâ a tocs, parâ jù, sdrumâ, fiscâ

esemplis

" se gjoldeve a ribaltâ i cops des scuelis e de glesie par distruzi i nîts dai passarins"

gjavât fûr di "La ultime baronade" di Pieri Somede dai Marcs

""[...] i Turcs ca intor che a distruzin, brusin, copin; e nualtris ca, se finu? Se spetànu?""

gjavât fûr di "I Turcs tal Friûl" di Pier Paolo Pasolini

"int che e gjolt a jessi crudêl e a distruzi sul nassi il content di chei altris"

gjavât fûr di "Tal ospedâl" di Amedeo Giacomini

Viôt ancje: distrudi

distruzi v.tr.
(dis-tru-zi)

Vinci cun superioritât totâl (ancje iperb.)

sinonims

disfâ, sdrumâ, disdrumâ, tamesâ, drazâ, bati

esemplis

"la potence di Timur e obleà i sultans a fermâ la lôr espansion fin almancul al 1444, cuant che Murad II, a Varna, al rivarà a distruzi une armade cristiane là che serps, polacs e ongjarês a saran decimâts de potence dai cavalîrs otomans"

gjavât fûr di "La cuintristorie de ocupazion veneziane" di Angelo Floramo

distruzi v.tr.
(dis-tru-zi)

Gjavâ dal dut des energjiis fisichis o psicologjichis (fig.)

sinonims

abati, acanâ, brusâ, butâ jù, disfâ, disombolâ, fâ fûr, fâ jù, maçâ, sassinâ, scanâ, scuintiâ, scunî, sdramassâ, sflancâ

esemplis

"no crôt mai di sei malade, / l'è el pinsìr che al mi distrûs"

gjavât fûr di "Ze ulie dî che soi sbatude?..." di Tite di Sandri

monolengâl