Hai cercato la parola
monolingue
Torna indietro

monolingue

distudâ v.tr.
(dis-tu-dâ)
Fâ che il fûc o che alc che al bruse no brusin plui o che alc che al à une flame no le vedi plui
sinonimi
studâ
esempi
"intant che al distudave il spagnûl tal cinisâr, le lumà là insom, la fantate"
da "Un piçul particolâr" di Fabian Ros
"[la camarele] e començave a distudâ lis lûs e a netâ i taulins"
da "I forescj" di Alan Brusini, Gian Paolo Linda
"difûr al jere l'Unviar, la buere ti sbusinave jù pa nape che ogni tant pareve ves vût di distudâ la lun"
da "No je plui vive" di Dolfo Zorzut
"la none e tirà fûr dal boreç doi tocs di çocje che e distudà te cinise frede: a jerin i stiçs dal nadalin par meti su lis barconetis dal toglât cuintri il pericul dai fulmins"
da "Il pignarûl" di Pieri Menis
distudâ v.tr.
(dis-tu-dâ)
Fâ che un motôr o alc altri no zirin plui, interompint il circuit di alimentazion
sinonimi
fermâ, studâ
esempi
"cuant che al fo dongje, il Nino al distudà il motôr [dal tricicli] e lu saludà ridint"
da "Prime di sere" di Carlo Sgorlon
distudâ v.tr.
(dis-tu-dâ)
Fâ che tun aparât di iluminazion o tun aparât eletric o eletronic no passi plui corint
sinonimi
studâ
esempi
"il sivilutâ fastidiôs dal celulâr [...] lu veve tant secjât che a bot e sclop i jere vignude dome voie di distudâlu"
da "Grivôr" di Franca Mainardis
distudâ v.tr.
(dis-tu-dâ)
Gjavâ fuarce, vivece e v.i. a alc o a cdn., in particolâr fâ deventâ mancul vivarose, mancul fuarte une persone, une sô emozion, sensazion, manifestazion e v.i. (fig.)
sinonimi
cangjâ, sbassâ, scunî, studâ
esempi
"a fo la letara [dal nuviç che le molave] che a i distudâ la voa da vivi e il mont intor di jê"
da "Li streci rossi" di Novella Cantarutti
"il campanon di Mont [...] al veve la facoltât di distudâ i strieçs des striis fin dulà che e rivave la sô vôs fuarte e potente"
da "Lis leiendis di Buie" di Pieri Menis
distudâ v.tr.
(dis-tu-dâ)
Fâ in maniere che si fermi o che al pierdi dute la fuarce un fenomen, soredut sociâl (fig.)
sinonimi
reprimi, scjafoiâ, copâ, sassinâ, studâ
esempi
"la fuarce des armis e la furbarie politiche a podaran metilu [il nestri popul] dut intun fas cun altre int, ma no varan distudade la sô anime fin che no varan distudade la sô lenghe"
da "La fuarce dal nestri lengaç" di Josef Marchet
"Gordian intant al jere muart e ancje so fi e la rivolte e jere stade distudade in curt dal esercit fedêl a Massimin"
da "Protostorie e storie romane in Friûl" di AAVV
distudâ v.tr.
(dis-tu-dâ)
Ridusi o gjavâ la fuarce o capacitât a cualsisei robe che, ancje cun metaforis, si puedi associâ ae lûs o al fûc (fig.)
sinonimi
studâ
esempi
"ai prins di Otubar lis fumatis di Atom a finivin di distudâ il soreli bielzà flap"
da "La aghe da pît la cleve" di Dino Virgili
"il grêc Apol cu lis sôs frecis al podeve fâ tacâ e slargjâ lis epidemiis, ma ancje distudâlis e al jere pari di Asclepi, diu de medisine"
da "Jenfri vîfs e muarts" di Sandri Carrozzo
"al butà jù une tace di scotch par distudâ il fogôr che i brusave la gose"
da "Un piçul particolâr" di Fabian Ros
"il pitour [...] al maladiva, cu la bocja, il Signour che a i veva distudât i voi denant che al ves pudût distirâ su la brea la musa da la sô Madona"
da "Scûr e lusour" di Novella Cantarutti
distudâ v.tr.
(dis-tu-dâ)
Bevi fâ passâ la voie, sedi aghe, sedi ancje di vin o alcolics (fig.)
sinonimi
studâ
esempi
"distudâ la sêt cu la aghe di Cjargne"
da "In Friûl cul passepuart" di Riedo Pup
"ducj a san che distudant la sêt si cuiste coragjo"
da "La cjase di Toni" di Tarcisio Venuti
distudâ v.tr.
(dis-tu-dâ)
[TS] (amin.) Fâ cessâ lis consecuencis o i efiets di une cierte operazion inviade
sinonimi
studâ
esempi
"distudâ une polize"
distudâ v.tr.
(dis-tu-dâ)
[TS] (edil.) Idratâ la cjalcine vive in maniere di provocâ la reazion chimiche che le trasforme in idrossit di calci
sinonimi
studâ
proverbi
"a Sant Micêl il marangon al impie il pavêr, a Sant Josef lu distude"
"a Sant Valantin il vacjâr al distude il lumin"
"aghe lontane no distude fûc"
"ancje la aghe sporcje e distude la sêt"
"cuant che il paron al distude il lusôr, al fâs par dâje tal nâs al servidôr"
"la aghe in bocje a distude il fûc"
"par distudâ il fûc ogni aghe e je buine"
"sinç e rude ogni mâl distude"
Torna in Cima