Hai cercato la parola
monolingue
Torna indietro

monolingue

disvilup s.m.
(dis-vi-lup)
Il procedi o fâ procedi alc daûr di une dinamiche che lu fâs evolvi, che lu fâs rivâ a cierts risultâts
sinonimi
aument, cressiment, cressite, disvoluçament, espansion, increment, progrès, svilup
esempi
"al deventave necessari, pal disvilup e pe sorevivence de imprese, slargjâ lis ativitâts e specificâlis miôr"
da "Un Friûl difarent: i 90 mhz di Onde Furlane" di Max Mauro
"pe scuele primarie i travuarts a son la paronance dai alfabets di base, il disvilup des competencis di comprension, leture, creazion di tescj e riflession linguistiche"
da "Insegnament dal furlan – la norme “in situazion”: tra regulis e plan de ufierte formative" di Patrizia Pavatti
"si scuvierzin alterazions o mecanisims che tal timp a van dongje dal disvilup de malatie"
da "Interviste a Attilio Maseri" di Carli Morandin
disvilup s.m.
(dis-vi-lup)
[TS] (econ.) Cressite des grandecis economichis principâls tal timp
sinonimi
svilup
esempi
"in Friûl il taramot al à sveltît un procès di disvilup e di mudament de societât mai sucedût prime"
da "La emigrazion dal Friûl - Vignesie Julie in Argjentine e in Uruguay" di Javier Grossutti
disvilup s.m.
(dis-vi-lup)
Il puartâ indevant cun ordin e profonditât un argoment, di une idee e v.i.
sinonimi
aprofondiment, davuelziment, elaborazion, tratazion, svilup
esempi
"[Gjilbert Pressac] tal disvilup dal complès di teoriis su la influence te tradizion furlane de culture judaiche cristiane elenistiche al rivà adore di lumâ elements che i faserin proponi une intuizion sui benandants"
da "Benandants e Terapeutis / Terapeutidis" di Sandri Carrozzo
disvilup s.m.
(dis-vi-lup)
[TS] (biol.) Complès dai procès che a puartin un organisim vivent ae sô forme madure e definitive
sinonimi
cressite, svilup
esempi
"la proporzion fra i varis gjenars, la cualitât e la cuantitât dai aliments che o mangjìn a son lis fondis di un coret disvilup fisic e mentâl de persone"
da "Mangje san 1" di Guglielmo Pitzalis
disvilup s.m.
(dis-vi-lup)
Cressite fisiche e psichiche di une persone tal moment de pubertât
sinonimi
cressite, svilup
disvilup s.m.
(dis-vi-lup)
[TS] (fotogr.) Procès che al permet di viodi la imagjin che e je suntune pelicule o lastre impressionadis
sinonimi
svilup
esempi
"si sa che pal disvilup des fotografiis si vevin di doprâ cognossincis di chimiche e fisiche"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
disvilup s.m.
(dis-vi-lup)
[TS] (mat.) Scomposizion di une espression o di une funzion in fuarce dal calcul di altris espressions o funzions cognossudis
sinonimi
svilup
disvilup s.m.
(dis-vi-lup)
[TS] (gjeom.) Operazion di proietâ la superficie di une figure solide suntun plan cence mudâ i angui e la lungjece des liniis
sinonimi
svilup
Torna in Cima