SuperDizionari

document s.m.
(do-cu-ment)

Cjarte scrite, soredut inte sô funzion di dimostrâ o certificâ alc, sedi a nivel privât che public

sinonims

at, cjarte, scriture, scrit

esemplis

"jenfri il 1977 e il 1979 il Comitât popolâr pe Universitât dal Friûl al tirà sù cirche 125 mil firmis sot di un document che al domandave al stât talian di dâ ancje al Friûl un so centri di studis academics"

gjavât fûr di "Un Friûl difarent: i 90 mhz di Onde Furlane" di Max Mauro

"[il grisonês] al è doprât intai documents publics e intai ats uficiâi dal guvier cjantonâl"

gjavât fûr di "Autonomie e lengaç" di Josef Marchet

"pre Checo al veve zirade la letare a pre Antoni Beline, che i rispuindeve cuntun document biel lunc"

gjavât fûr di "Memoriis di politiche linguistiche" di Adrian Cescje

"i documents di ûs pratic de Ete di Mieç, de tarde Ete di Mieç, a son ancje pal Friûl lis fonts plui interessantis pal studi dal volgâr dai prins secui"

gjavât fûr di "Documents de Ete di Mieç pal studi dal furlan antîc" di Federico Vicario

document s.m.
(do-cu-ment)

Testemoneance, soredut dal passât e soredut scrite, ma ancje di altre sorte, tant che opare di art, repert archeologjic e v.i.

sinonims

monument, prove, testemoneance

esemplis

"Pavle Merkù [...] al à ingrumât centenârs di documents etnografics"

gjavât fûr di "Jentrade a Sacheburache" di Celso Macôr

"mi rindei cont alore che la arme [une ponte di lance langobarde] e podeve sei un significatîf document storic dal nestri teritori"

gjavât fûr di "Une lance langobarde cjatade a Baracêt" di Lucio Perès

document s.m.
(do-cu-ment)

[TS] (inform.) Imagjin o file di test

esemplis

"salvâ un document in pdf"

monolengâl