Tu âs cirût la peraule
monolengâl
torne indaûr

monolengâl

domini s.m.
(do-mi-ni)
Il dominâ, il vê podê, autoritât e v.i.
sinonims
autoritât, comant, podê
esemplis
"tensions sociâls gjeneradis dal domini dai privilegjâts e de miserie dai proletaris"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"i venezians a celebravin la fieste de Sense, in ricognossiment dal domini de republiche sul mâr"
gjavât fûr di "Viaç a Vignesie" di Arturo Feruglio
domini s.m.
(do-mi-ni)
Teritori che al è sot di un ciert paron o di un ciert podê
esemplis
"la paronance dal Cont, prime rote da tantis isulis di domini patriarcjâl, e finì, un pôc a la volte, cul ridusisi in cualchi isule pierdude tal teritori dipendent dal Patriarcje"
gjavât fûr di "Cuintristorie dal Friûl fin sot la Italie" di Josef Marchet
"dopo dai savoltaments de ete napoleoniche ancje il Friûl che al jere sot Vignesie si è zontât, cun dut il Venit e la Lombardie, ai dominis asburgjics"
gjavât fûr di "La colonie" di Sandri Carrozzo
domini s.m.
(do-mi-ni)
Dade di timp o situazion caraterizade di un ciert podê politic
sinonims
autoritât, comant, paronance, podê, dominazion
esemplis
"il prin grop di cjasis de citadele di Vençon al è nassût ator de aree dal Domo dilunc dal domini dai Carolins (776-952)"
gjavât fûr di "Vençon" di Aministrazion Publiche
domini s.m.
(do-mi-ni)
Il rivâ a tignî sot control (ancje fig.)
sinonims
control, paronance
esemplis
"vê il domini de situazion"
"la strachetât e veve su di me il so domini ancje parcè che no vevi mangjât"
gjavât fûr di "I forescj" di Alan Brusini, Gian Paolo Linda
domini s.m.
(do-mi-ni)
[TS] (dir.) Proprietât di un ben
domini s.m.
(do-mi-ni)
Setôr, cjamp, dissipline
sinonims
cjamp, dissipline, setôr
esemplis
"no si po doprâ il furlan in cierts dominis cence un so adatament e cence la preparazion specifiche di chei che a an di doprâlu"
gjavât fûr di "La grafie furlane normalizade – Introduzion" di Xavier Lamuela
"int di cjâf esperte in ducj i dominis e alçà il nivei de sience"
gjavât fûr di "Storie dal popul furlan" di Gian Carlo Menis
domini s.m.
(do-mi-ni)
[TS] (mat.) Insiemi sierât dulà che ducj i ponts a son ponts di acumulazion di ponts internis
domini s.m.
(do-mi-ni)
[TS] (polit.) Denominazion dai stâts membris dal Commonwealth britanic, indipendents ma leâts ae corone di rapuarts particolârs
torne sù