Hai cercato la parola
monolingue
Torna indietro

monolingue

dongje av., prep., adi.inv.
(don-gje)
A pocje distance tal spazi
sinonimi
in bande, parmìs, dacîs, vicin, daprûf
esempi
"un cjan al vuacà li dongje, di là dal curtîl"
da "Pôre tal nuie..." di Dino Virgili
"si sentave su la bancje, dongje il fûc"
da "Vigji Brusin" di Riedo Pup
"lis stradis che di Glemone a puartin tai paîs dongje"
da "Studi da la evoluzion dal paisaç mediant i toponims" di Rino Gubiani
Vedi anche: dingje
dongje av., prep.
(don-gje)
Par segnâ che alc al ven zontât a alc altri (fig.)
sinonimi
ancje dongje, ancjemò, ancjemò dongje, ancjemò sore, di soreplui, inmò, oltri, par dongje, par prionte, par soremarcjât, par zonte, sore, di là di, in plui
esempi
"il contrat imagjinât di Rousseau, dongje de libertât civîl, al difint la proprietât"
da "La invenzion dal stât" di Fabian Ros
"tai ultins timps, dongje di gas, lûs e aghe, la Autoritât centrâl di control e veve zontât su lis boletis ancje l'aiar che al vignive pompât tai apartaments"
da "La lune te stele" di Gianfranco Pellegrini
dongje av., prep., adi.inv.
(don-gje)
In compagnie, intune relazion di solidarietât, colaborazion, amistât, o ancje sentimentâl
sinonimi
dacîs, daprûf, dispùs, parie
esempi
"dopo de operazion, e je stade dongje di me di dì e di gnot"
da "Trê feminis" di Gianni Gregoricchio
"al cjatà oposizions e incomprensions dentri de stesse scuadre dai siei colaboradôrs plui dongje, che no lu capivin fin insom"
da "Tal non di Fausto Schiavi" di Adrian Cescje
dongje av., prep., adi.inv.
(don-gje)
No lontan intal timp
sinonimi
vicin, sot
esempi
"la glese, dal secul XV, e à devant une jentrade zontade o trasformade in timps plui dongje dai nestris"
"la carateristiche culturâl dal Friûl si è mantignude avonde salde fin a une ete avonde dongje di noaltris"
da "Memoriis di politiche linguistiche" di Adrian Cescje
dongje av., prep., adi.inv.
(don-gje)
Intune situazion di fuarte probabilitât (fig.)
esempi
"tal secul XX la cjace e à puartât diviersis speciis di balene dongje de estinzion"
dongje av., prep., adi.inv.
(don-gje)
Intun rapuart di someance
esempi
"un gjeograf austriac che al scrîf che “i furlans no son talians, ma a son une vore plui dongje ai nestris ladins”"
da "Il lunari mai jessût - Tellini te prime vuere mondiâl" di Donato Toffoli
"chestis ultimis dôs speciis [simpanzè e bonobo] a son chês plui dongje al gjenar uman, che di lôr si è separât cirche 6 milions di agns indaûr"
da "Autonomie e democrazie, i numars de Socializazion umane" di Franc Fari, Eric Pascul
dongje av., prep., adi.inv.
(don-gje)
In vicinance ideâl, astrate
sinonimi
aprûf, daprûf, vicin
esempi
"ambients conservadôrs dongje dal fassisim"
proverbi
"cui che al à dongje dal fogolâr pâs e amôr, al è un siôr"
"dongje dal stran no stâ fâ fûc"
"femine e bo plui dongje che si po"
"fruts e colomps a puartin dongje simpri alc"
"la piel e je ancjemò plui dongje de cjamese"
"no stâ meti la paie dongje dal fûc"
"nol è un ben che nol vedi il so mâl dongje"
"vacje e bo plui dongje che si po"
Torna in Cima