SuperDizionari

dopli adi.
(do-pli)

Che al è dôs voltis plui grant

esempi

"al tornave jù cu la velocitât dople di un altri"

da "Ricuarts e inlusions" di Enrico Martina

"i tocjava fâ dopla fuarça par superâlu"

da "Il me paîs" di Federigo Comelli

dopli adi.
(do-pli)

Formât di doi elements compagns o simii

sinonimi

zimul

esempi

"la dople pagjine “Maman” sul setemanâl "Il Friuli", cun leturis, curiositâts e zûcs par frutins"

da "La lenghe furlane tai mieçs di comunicazion" di Erika Adami

"par une cleve a pene di rive jù, al jere il boscut dal rocul, imbraçât di ca e di là des doplis filis di çamars"

da "Memoriis di politiche linguistiche" di Adrian Cescje

dopli adi.
(do-pli)

[BF] Di femine, che e spiete un frut, soredut se no je maridade (fig.)

sinonimi

plen

dopli adi.
(do-pli)

Che al à lis stessis carateristichis di alc altri, soredut di alc che si à za

sinonimi

compagn

esempi

"scambiâ lis figurinis doplis"

dopli adi., s.m.
(do-pli)

Di alc o cdn., che nol è sclet, che al plate la veretât

sinonimi

ambigui, cuviert, di dôs musis, ipocrit, bausâr, fals

esempi

"te bielece di Geneviève cumò plui di mai o vualmavi alc di dopli e di pericolôs"

da "Il dolfin" di Carlo Sgorlon

dopli s.m.
(do-pli)

Sclope di cjace di dôs canis

sinonimi

doplet, doplete

esempi

"al lave daûr dal cjan, e cuant che lu viodeve in ferme, al tirave jù il dopli e al stave in spiete, fer ancje lui"

da "Prime di sere" di Carlo Sgorlon

dopli s.m.
(do-pli)

Butilion di doi litris

esempi

"al passe il timp e cul timp i doplis dal friularo poderôs che al travane il bultric"

da "Viaç a Vignesie" di Arturo Feruglio

dopli s.m.
(do-pli)

[BF] Tiessût bilisiât pe blancjarie di cjase

esempi

"lasse fûr il dopli che nol è ancjemò ben sut"

da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

dopli s.m.
(do-pli)

[TS] (lit.) Rituâl liturgjic plui nobil e solen

dopli s.m.
(do-pli)

[TS] (lit.) Sun di cjampanis tipic de fieste grande

esempi

"lis cjampanis, che a vevin sunât in dopli cuasi dut il dì, si jerin fermadis"

da "A jerin lagrimis" di Pieri Somede dai Marcs

dopli adi.
(do-pli)

[TS] (bot.) Di orghin vegjetâl o animâl, dividût a metât

esempi

"çucul dopli"

dopli adi.
(do-pli)

[TS] (bot.) Di rose, che e à i stams che a cjapin la forme di pics

esempi

"lis stroncjis pustotis tal ricès des muraiis, a devin violis doplis par meti tai creps su lis taulis preparadis"

da "Come tai romançs" di Alan Brusini

dopli adi.
(do-pli)

[TS] (ling.) Di sun, spec. di consonante, che e dure di plui di chê semplice

esempi

"par talian e je une consonante dople che e ven dividude"

da "La division in silabis dai sufìs -sion e -zion tal Grant Dizionari Bilengâl Talian - Furlan" di Paolo Roseano

dopli s.m.
(do-pli)

[TS] (sport) Tal tenis e tal ping pong, partide cun cuatri zuiadôrs, doi cuintri doi

esempi

"zuiâ un dopli"

dopli s.m.
(do-pli)

[TS] (sport) Tal canotaç, la canoe cun doi vogadôrs

sinonimi

doi a doi, doi di cubie

dopli s.m.
(do-pli)

[TS] (zûcs) Tal bridge, dôs cjartis cul stes pâl

dopli s.m.
(do-pli)

[TS] (zûcs) Tai scacs, situazion li che un toc a 'nd menace doi di chel altri colôr

esempi

"cuant al è il cjaval che al atache doi tocs tal stes moment, si dîs che il cjaval al da “un dopli”."

da "Zuìn di scacs" di Nilde Teresa Negro

dopli s.m.
(do-pli)

[TS] (zûcs) Tal domino, toc che al à chel stes numar tes dôs caselis

dopli s.m.
(do-pli)

[TS] (tipogr.) Peraule ripetude par erôr

dopli s.m.
(do-pli)

[TS] (let.) Aspiet in oposizion e complementâr di une persone o di un personaç de leterature

esempi

"[il cjapitani] mi veve contât dal so sintiment che al esistès un dopli di se, un altri cjapitani che nol veve mai dadis lis dimissions de armade"

da "Il dolfin" di Carlo Sgorlon

dopli s.m.
(do-pli)

[TS] (teatr.) Part assegnade a di un atôr che a 'nd à za une altre te stesse rapresentazion

monolingue