SuperDizionari

dose s.f.
(do-se)

Cuantitât misurade in maniere precise di une cierte sostance, in mût che e puedi jessi doprade intune volte o intune cierte dade di timp par vê un efiet

esempi

""Che e prepari une dose triple di valium", al disè il miedi"

da "Tal ospedâl" di Amedeo Giacomini

" lu àn metût sot medisinis deliriolitichis e a àn aumentât lis dosis di antiepiletics"

da "Il cjâf dai furlans" di Franc Fari

dose s.f.
(do-se)

Cuantitât di radiazions che al è stât esponût un organisim

esempi

"103 lavoradôrs a àn ricevût dosis parsore di 100 mSv, 95 di lôr dosis tra 100 e 200 mSv"

da "Il disastri de centrâl nucleâr di Fukushima Dai-ichi" di Alessandro Pascolini

dose s.f.
(do-se)

Cuantitât in gjenar, ancje di alc di imateriâl (fig.)

sinonimi

misure, rate

esempi

"e covente chê dose di orgoi, chê dose di fiducie in se, chê dose di dî "No sin int di scovacere, ancje se o vin pierdût dut!""

da "La vite no je cuintriposizion di valôrs ma armonie di realtâts complementârs" di Francesc Placerean

"no ocor tant studi, baste une piçule dose di bon sens"

da "Il contadinel lunari par l'an 1869" di Josef Ferdinant Dal Tor

dose s.f.
(do-se)

Costipazion fuarte (fig.)

sinonimi

sope

esempi

"o scuen spieta che si sfanti un puc: no pues migo presentâmi denant dal client, che al crôt tal miracul des Termis, cun cheste dose di rafredôr?"

da "Scaiis" di Vico Bressan

dose s.f.
(do-se)

Robe di bevi cjalde, fate cun infusion o bulidure di miluçs, piruçs, carubulis e melaç, che une volte si vendeve par strade tai mês frêts

esempi

"il grîs di lungjis zornadis di no savê ce fâ: trê centesims di dose e doi di ufiei, in Place des Jarbis, dentri Udin"

da "La aghe da pît la cleve" di Dino Virgili

monolingue