SuperDizionari

dulà che loc.coniun.

Cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton

sinonims

là che, li che, indulà che

esemplis

"lant indevant cuintri aghe si rive subite dulà che e nas la Livence"

gjavât fûr di "Un riul tra Venit e Friûl" di Dino Virgili

"cui sa il mio moro, dulà che al è, / cui sa il mio moro, dulà che al è / al è in Gjermanie, a fâ scudielis, a fâ planelis, a fâ modon, / al è in Gjermanie a fâ modon"

gjavât fûr di "Cui sa il mio moro" di Popolâr

"dulà che i ai cognossût Bombie? Bombie Bombie Bombie… ma lui a no si clama cussì, encja se chistu nol impuarta trop. [...] Cui si visial?"

gjavât fûr di "Donald dal Tiliment" di Stiefin Morat

dulà che loc.coniun.

Ancje par introdusi une precisazion, une esplicazion

sinonims

là che, li che, indulà che

esemplis

"nô furlans o capìn la peraule di Diu, disìnle in curt, par furlan. I fradis slovens le capissin par sloven. Dulà che a no je dome cuistion di lenghe, e je cuistion di mût di sintî, di mût di esprimisi, di mût di capî"

gjavât fûr di "La Glesie e à di lassâ i popui come che a son e fâur di levan seont la lôr paste" di Francesc Placerean

dulà che loc.coniun.

Par introdusi une aversative

sinonims

li che, là che, intant che, invezit, impen, indulà che

esemplis

"di piçule o levi plui dispès a messe, o levi anzit ogni domenie, dulà che cumò mi capite di saltâle"

gjavât fûr di "Sul florî" di AAVV

monolengâl