SuperDizionari

efiet s.m.
(e-fiet)

Ce che al derive di une cause, di un procediment, di un sfuarç e v.i.

sinonimi

conclusion, costrut, esit, risulte

esempi

"la cafeine e la cocaine, a dan ecitazion propit parcè che a incressin i efiets de noradrenaline sul cerviel"

da "Il cjâf dai furlans" di Franc Fari

"il prin efiet dal riscjaldament al è chel di sfantâ un pôc a la volte, tal câs che a sedin, nûi, fumatele e fumate"

da "Notis di meteorologjie pal Friûl - Vignesie Julie" di Stefano Micheletti, Marcellino Salvador

efiet s.m.
(e-fiet)

Influence su lis percezions sensoriâls, che e pues ancje ingjanâ

esempi

"forsit al jere l'efiet des lûs che a marchin lis ombris"

da "I forescj" di Alan Brusini, Gian Paolo Linda

"la lune, par un efiet otic, e someave che e corès, cuant che invezit a cori al jere il nûl"

da "Gjoldiments forescj" di Checo Tam

efiet s.m.
(e-fiet)

Reazion emotive o inteletive che si prodûs in cdn.

sinonimi

impression

esempi

"Tite si fermà par viodi l'efiet che lis sôs peraulis a vevin fat sul fantat"

da "Il muc" di Roberto Ongaro

"jessi metûts dongje di Pasolini, Saba e Caproni al fâs un ciert efiet"

da "Interviste a Pierluigi Cappello" di Walter Tomada

"a tancj comissaris l'argoment de tradizion storiche al veve fat un bon efiet"

da "Memoriis di politiche linguistiche" di Adrian Cescje

efiet s.m.
(e-fiet)

[TS] (sport) Rotazion dade al balon o ae bale cuntun colp di tai par fâi fâ une traietorie curvade particolâr

sinonimi

zîr

esempi

"dâ l'efiet ae punizion par passâ in bande de bariere"

efiet s.m.
(e-fiet)

[TS] (sient.) Fenomen che si studie in maniere sientifiche, dispès specificât di une denominazion o ancje cul non di cui che lu à scuviert o esplicât

esempi

"i efiets osservâts a vignivin alore interpretâts in “mût aristotelic”"

da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

"a nivel neurobiologjic si è viodût che l'efiet placebo al è leât ae liberazion intal cerviel di opioits naturâi, endocanabinoits e dopamine"

da "Neurosiencis dal dolôr" di Franc Fari

efiet s.m.
(e-fiet)

Spec. tal pl., ogjet di une persone o di furnidure di un puest

esempi

"si fermarin dongje di un taulon li che al podeve viodi une borsete cun sparniçât daprûf dut il contignût. L'ispetôr i domandà se al ricognosseve chei efiets"

da "Un piçul particolâr" di Fabian Ros

monolingue