SuperDizionari

elementâr adi.
(e-le-men-târ)

Che al à nature di element o che si riferìs a un element

esemplis

"il procès di aprendiment al va dal costituent elementâr, la letare, ae peraule ae frase"

gjavât fûr di "Memoriis di politiche linguistiche" di Adrian Cescje

"seont la anatomie moderne il cerviel, clamât plui in gjenerâl sisteme gnervôs, al è formât di unitâts elementârs: i neurons"

gjavât fûr di "La evoluzion dal cerviel e de cussience tai vertebrâts" di Franc Fari

elementâr adi.
(e-le-men-târ)

Che al costituìs la fonde, o che si riferìs ae fonde, al element minim di alc, o che al è al nivel di fonde e minim

sinonims

essenziâl, fondamentâl, primari

esemplis

"fâ l'interès dai partîts cun ducj i mieçs e butant sot i pîts la plui elementâr onestât"

gjavât fûr di "Il fier dal ciroic" di Josef Marchet

"cuintri di ogni logjiche elementâr, no dome a àn tacât la regjon storiche dal Friûl cu la citât di Triest, ma, par dâi farce a la citât martare, a àn marturizât il popul furlan"

gjavât fûr di "Une utopie clamade Friûl" di Antoni Beline

elementâr adi.
(e-le-men-târ)

Di scuele, che e je jenfri chê materne e chê medie, li che a van i fruts parsore dai sîs ai dîs agns

sinonims

di base, primari

esemplis

"cheste robe jo no le capìs, o ai fate dome la tierce elementâr"

gjavât fûr di "La cjase di Toni" di Tarcisio Venuti

monolengâl