Tu âs cirût la peraule
monolengâl
torne indaûr

monolengâl

element s.m.
(e-le-ment)
Part di un complès
sinonims
toc, part
esemplis
"chel pôc che al vanze di cheste suaze [di mosaic] nus mostre elements di une barcje (tamon e un toc dal tamonîr)"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
"la manarie e jere un imprest fat di plui elements: un mani, une lame di piere pulide [...], un manegot di cuar"
gjavât fûr di "La preistorie in Friûl" di Andrea Pessina, Gaetano Vinciguerra
"Zuan di Udin al tache a colaborâ cun Raffaello che i fâs piturâ elements decoratîfs e stucs tes Lozis Vaticanis"
gjavât fûr di "Zuan di Udin" di Luca De Clara
"lis formulis a son elements che a tornin simpri compagns dilunc dal poeme"
gjavât fûr di "Jentrade de Odissee" di Sandri Carrozzo, Pierluigi Visintin
element s.m.
(e-le-ment)
Persone considerade rispiet a un grup
sinonims
individui, singul
esemplis
"il gnûf guvier al lassà cjarte blancje a ducj i elements de massonarie nazionaliste che e trionfave a Florence"
gjavât fûr di "Cuintristorie dal Friûl fin sot la Italie" di Josef Marchet
element s.m.
(e-le-ment)
[TS] (filos.) Te filosofie antighe, principi di dutis lis robis, component sempliç e indivisibil de materie e dai cuarps
esemplis
"i elements de materie a son aiar, aghe, tiere e fûc"
element s.m.
(e-le-ment)
[TS] (chim.) Sostance caraterizade di atoms che a àn ducj il stes numar di protons
esemplis
"l'idrogjen, pûr jessint l'element chimic plui bondant tal univiers, inte forme molecolâr (H 2) si lu cjate tal aiar dome in ombris (0,5 part par milion!)"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
element s.m.
(e-le-ment)
[TS] (ling.) Part de peraule o de frase individuade a mieç di une analisi
esemplis
"si clame lengaç setoriâl (o sotcodiç setoriâl o microlenghe) chel insiemi di elements lessicâi (tiermins e espressions) doprâts tes dissiplinis specialistichis "
gjavât fûr di "Par une terminologjie in lenghe furlane" di Franco Finco
element s.m.
(e-le-ment)
[TS] (mat.) Ce che al costituìs un insiemi
element s.m.
(e-le-ment)
[TS] (ecol.) Ambient là che a nassin e si svilupin lis realtâts che a vivin
element s.m.
(e-le-ment)
Massime tal pl., argoment di fonde pe comprension di une dissipline
sinonims
base
esemplis
"elements di matematiche"
torne sù