SuperDizionari

essenziâl adi.
(e-ssen-zi-âl)

Che al à a ce fâ cu la essence, cun ce che al è plui impuartant e carateristic di alc o di cdn.

sinonims

centrâl, elementâr, fondamentâl, sostanziâl

esemplis

"i difiets plui essenziâi de agriculture furlane"

gjavât fûr di "Memoriis di politiche linguistiche" di Adrian Cescje

essenziâl adi.
(e-ssen-zi-âl)

Che al covente par fuarce, che no si pues fâ di mancul

sinonims

indispensabil

esemplis

"meti in sigurece la Sanitât e chei altris servizis essenziâi"

gjavât fûr di "La Regjon che e covente pal Friûl" di Sergio Cecotti

essenziâl adi.
(e-ssen-zi-âl)

Che al à dome pôcs elements, che si fonde su la semplicitât

sinonims

cast, modest, ruvit, scarm, scarmulin, sclet, sempliç

esemplis

"la forme doprade e je sute e essenziâl, mai banâl e mai poetiche, ma scuasit fate apueste par contâ robis semplicis e curiosis tal stès timp"

gjavât fûr di ""Uchì", fûr dal solit" di Franca Mainardis

"i nestris paîs fats di tancj borcs cun cjasis une taco la altre, tune lungje filaine. Architeture «spontanie», semplice e essenziâl"

gjavât fûr di "La cjase dai contents" di Roman Michelot

essenziâl adi.
(e-ssen-zi-âl)

[TS] (med.) Di malatie, che no dipent di altris malatiis o che no si cognòs la cause

sinonims

idiopatic

essenziâl s.m.
(e-ssen-zi-âl)

Ce che al à plui impuartance, plui interès

sinonims

impuartant

esemplis

"savê gjavâ vie dut ce che nol è indispensabil e focalizâ la atenzion sul essenziâl"

gjavât fûr di "Un Friûl diferent?" di Laurin Zuan Nardin

essenziâl s.m.
(e-ssen-zi-âl)

Ce che si scuen vê par fuarce

sinonims

indispensabil

monolengâl