SuperDizionari

evoluzion s.f.
(e-vo-lu-zi-on)

L'evolvisi, il lâ indevant tal timp disvilupant formis gnovis

esempi

"int in pericul di restâ taiade fûr des grandis novitâts dal dì di vuê, o pûr in pericul di no capî i fats, i prodots e la evoluzion de civiltât atuâl"

da "La civiltât dal fum" di Riedo Pup

"vie pal dopomisdì cheste evoluzion meteorologjiche e pues fâ disvilupâ un temporâl di calôr"

da "Notis di meteorologjie pal Friûl - Vignesie Julie" di Stefano Micheletti, Marcellino Salvador

evoluzion s.f.
(e-vo-lu-zi-on)

Complès di moviments gjinics daûr di schemis precîs

sinonimi

gjeromete, salt

evoluzion s.f.
(e-vo-lu-zi-on)

[TS] (biol.) Mudament stabilizât de struture gjeniche dai individuis di une specie

esempi

"a diference di Darwin che al concepive la evoluzion de vite tant che un fenomen continui e progressîf, lôr [Niles Eldredge e Gould] le descriverin cuntun model discontinui"

da "La evoluzion su la tiere. Une storie di competizion e cooperazion" di Angelo Vianello

evoluzion s.f.
(e-vo-lu-zi-on)

[TS] (biol.) Svilup dal embrion che al devente adult

evoluzion s.f.
(e-vo-lu-zi-on)

[TS] (ling.) Complès des modificazions semantichis, fonetichis, fonologjichis e morfologjichis di une lenghe intal timp

esempi

"un corpus scrit diacronic al ten dentri tescj che a rifletin la evoluzion di une lenghe intune scjale temporâl"

da "Corpus linguistics" di Vladimir Petkevic

monolingue