SuperDizionari

monolengâl

fâ fente loc.v.

Compuartâsi in maniere divierse di ce che e coripuint ae veretât, ae realtât, fâ someâ che la veretât e sedi divierse di chê che e je

sinonims

fenzi, fâ, dâ a diviodi, dâ di intindi

esemplis

""Jo no sai nuie." "E fâs fente di no savê; ma invezi e à capît che al è za un pieç che jo…""

gjavât fûr di "Amôr in canoniche" di Bruno Paolo Pellarini

"l'avocat! Al fasarà fente di dâmi reson a mi e invezi si metarà dacordo cui Kos, par fâju vinci lôr…"

gjavât fûr di "Di là de rêt" di Jolanda Mazzon

Viôt ancje: fâ finte

fâ fente loc.v.

Figurâsi une realtât imagjinarie o ipotetiche

sinonims

imagjinâsi, figurâsi

esemplis

""Fasìn fente che cualchi persone impuartante e vegni a gustâ ca di nô" i diseve a sô fie. "E cui, par mût di dî? " "Ce impuartial? Metìn la Francese. O pûr l'Ambassadôr dal Iran in Italie…""

gjavât fûr di "Ombris tal infinît" di Carlo Sgorlon

torne sù