Tu âs cirût la peraule
monolengâl
torne indaûr

monolengâl

fîl s.m.
Insiemi lunc e fin formât di fibris intorteadis, che al covente par tiessi, cusî, ricamâ e v.i.
esemplis
"cui gucjave, cui corletave, cui filave la cjanaipe fasint pirlâ il fûs a pendolon dal fîl che si slungjave simpri plui"
gjavât fûr di "Sot il puarti" di Pieri Menis
"une scjatule di gusielis, fîi, fuarpiis e botons"
gjavât fûr di "Il dolfin" di Carlo Sgorlon
"intant che e taiave la polente cul fîl, i fruts a scomençarin a cragnâ che a vevin fam"
gjavât fûr di "La tiere di Lansing" di Maria Forte
fîl s.m.
Leam, robe che e da dongje (fig.)
sinonims
leam, peam
esemplis
"si sintive a tirâ, mo di une bande, mo di chê altre, dal fîl invisibil che al peave passât e presint"
gjavât fûr di "Il sium di Lissandri" di Franca Mainardis
"a i vigneva a ducj voa da leâsi cu la zent magari cul fîl magri dal discori"
gjavât fûr di "L'uminin dai stecs" di Novella Cantarutti
fîl s.m.
Element lunc e sutîl ancje no di fibris
esemplis
"un archet cuntun biel fîl di fier zingât che no si inrusinive mai"
gjavât fûr di "Chei di Martrent" di Riedo Pup
fîl s.m.
Cualsisei robe che e vedi une forme lungje e fine
sinonims
filiot, pêl
esemplis
"la aria trasparent, senza una bava che disturbàs il spieli cuiet de la aga o i fîi lizêrs e sutîi de la jarba dei prâts"
gjavât fûr di "Il me paîs" di Federigo Comelli
fîl s.m.
[TS] (agr.) Striche di tiere
sinonims
mitât, plagne, peçâl, ordenâl
esemplis
"cjamps semenâts di sorc e di patatis, fîi di meniche, moraradis za çondaris e, daûr des cisis di olnâr, fossalats plens di aghe ferme"
gjavât fûr di "Lis çuculis dal Gjigjo" di Pieri Menis
fîl s.m.
Corint lizere dal aiar o de aghe
sinonims
corint, bave, bavesele
esemplis
"a vevin lassade la puarte de cjamare in sfese, tant di fâ cori un fîl di aiar"
gjavât fûr di "Trê feminis" di Gianni Gregoricchio
"no sintistu ce fîl di buerisine inglaçade che al sivile dentri?"
gjavât fûr di "Lis predicjis dal muini" di Josef Marchet
"la zornade e jere clare e nol tirave un fîl di aiar"
gjavât fûr di "Prime di sere" di Carlo Sgorlon
fîl s.m.
Ordin di sucession (fig.)
sinonims
cjâf, linie, ordin, plan, cjaveç, trame
esemplis
"un insium al comence intune maniere e al pues finî intune altre maniere, cence un fîl logjic"
gjavât fûr di "Il cjâf dai furlans" di Franc Fari
"Guido al romp di brut il fîl dal mio discori"
gjavât fûr di "Ah! la provincie" di Sandri Di Suald
fîl s.m.
Cuantitât une vore piçule
sinonims
cimi, cininin, freghenin, fregul, gran, ninin, pêl, piç, sclip, segnâl, tic, friç, fruçon, tininin, flic
esemplis
"un fîl di lûs al jentrave framieç da lis fressuris dal barcon"
gjavât fûr di "Aiar di cjase" di Franca Mainardis
"nol resti altri che avodâsi a chest fîl di sperance"
gjavât fûr di "Gjambadoriis" di Josef Marchet
fîl s.m.
Persone une vore secje (fig.)
sinonims
cjandele, fîl pierdint
esemplis
"al è ridusût a un fîl"
fîl s.m.
Part di une lame che e taie
sinonims
filart
esemplis
"al le dongje il barcon par cjalâ miôr il tai de manarie; al provà il fîl cul dêt e al tornà a la muele"
gjavât fûr di "Prime di sere" di Carlo Sgorlon
"il garbin al taie come un fîl"
gjavât fûr di "La aghe da pît la cleve" di Dino Virgili
fîl s.m.
[TS] (sport) Linie che e segne dulà che al rive prin cui che al vinç
sinonims
travuart
fîl s.m.
[TS] (sport) Inte scherme, stocade tirade sul fier inte linie dal aversari, par parâ la sô menace
detulis
"cui che al à pôc fîl che al fasi cjalçuts e no cjalcis"
"cui che tal fîl nol fâs il grop al piert il pont"
"il fîl e la gusiele manten la puarele"
"la vite e je un regadin: un fîl blanc e un turchin"
"se si podès filâ ducj i fîi, si tirarès dongje ancje lis telis di ragn"
torne sù