Hai cercato la parola
monolingue
Torna indietro

monolingue

famee s.f.
(fa-me-e)
Grup di personis leadis di parintât strente, massime pari, mari e fîs
esempi
"e jere in jê une voie frescje di doprâsi par une famee dute sô"
da "Cjase di Dalban" di Maria Forte
"a erin na fameona granda che a implenava la cusina, cuant che a si cjatavin insiemit a gustâ"
da ""Prît!"" di Novella Cantarutti
"fra Silvio al jere un frari dal convent dai capucins di Udin e no jere famee de planure furlane che no lu cognossès"
da "Fra Silvio" di Pieri Somede dai Marcs
Vedi anche: fameie
famee s.f.
(fa-me-e)
Grup larc di personis in parintât une cun chê altre, ancje dilunc di plui gjenerazions
sinonimi
cep, cjasade, cjase, clape, cueste, çoc, çocje, gjernazie, int, sanc, semence
esempi
"[i Strumîrs] a metin adun la plui part dai nobii de Patrie a tacâ di fameis tant che i Torians, i Colorêts e i Strassolts"
da "Il Friûl de Joibe Grasse dal 1511" di Carli Pup
famee s.f.
(fa-me-e)
Comunitât di personis leadis di alc, ancje intune struture organizade
esempi
"tal 1929, i furlans di New York a crein une Famee Furlane, la prime tai Stâts Unîts"
da "La emigrazion dal Friûl - Vignesie Julie tai Stâts Unîts" di Javier Grossutti
"i sants de grande famee di Diu"
da "Sant Jacum, là che al finìs il mont" di Antoni Beline
famee s.f.
(fa-me-e)
Grup di personis che si cjatin ben tra di lôr
esempi
"paisut, che fin chi al jere dut une famee, une biele zornade si è cjatât dividût in plui partîts"
da "Chei di Muraie" di Pieri Menis
famee s.f.
(fa-me-e)
[TS] (mus.) Complès dai struments che a àn timbri analic ma tiessidure diferente
esempi
"la famee dai membranofons"
famee s.f.
(fa-me-e)
[TS] (biol.) Categorie sistematiche parsore dal gjenar e sot dal ordin
esempi
"Megalancosaurus al jere un piçul retil arboricul de famee Drepanosauridae"
da "Gjeologjie e paleontologjie ator di Preon" di Francesco Gobbo
"l'om al fâs part dai Ominidis o simiis antropomorfis, une famee di primâts che e ten dentri il gorile, l'orangutan, il simpanzè e il bonobo"
da "Autonomie e democrazie, i numars de Socializazion umane" di Franc Fari, Eric Pascul
famee s.f.
(fa-me-e)
[TS] (petr.) Grup dai crets che a àn i stes components essenziâi
esempi
"la famee dai basalts"
famee s.f.
(fa-me-e)
[TS] (chim.) Te classificazion periodiche dai elements, insiemi di elements dentri dal stes grup cun proprietâts che a son dongje
famee s.f.
(fa-me-e)
[TS] (mat.) Insiemi di curvis e superficiis cun proprietâts analighis e carateristichis che si somein
esempi
"la famee des superficiis di rotazion"
famee s.f.
(fa-me-e)
[TS] (filol.) Serie di manuscrits che a son leâts a la stesse çocje
proverbi
"doi neris a fasin stâ ben la famee: predi e purcit"
"e vâl plui la fieste in famee che no la sagre dal paîs"
"il mulin al è un bon cjamp e la glesie une grande famee"
"la caritât e manten lis fameis"
"la ligrie bisugne fâle in famee"
"lis comarutis a son la ruvine des fameis"
"lis divisions a ruvinin lis fameis"
"ogni famee al è un demoni e al mene la code pardut"
"vûstu vê pâs in famee, cusii la lenghe a la femine"
Torna in Cima