SuperDizionari

fature s.f.
(fa-tu-re)

[BF] Lavôr par fâ alc, spec. artesanâl

esempi

"a lerin di fichet là di Vigji gusiele par fâsi cjoli lis misuris e ordenâ la fature"

da "Cretevierte" di Roberto Ongaro

fature s.f.
(fa-tu-re)

[FO] Sfuarç fisic o inteletuâl che al strache

sinonimi

impegn, strussie, travai

esempi

"cun fature e cirive di distrigâsi al miôr, ma lis peraulis i vignivin fûr stentadis"

da "Trê feminis" di Gianni Gregoricchio

"a àn un lavôr di pocje fature, simpri a sotet e cu la mesade sigure"

da "Lis predicjis dal muini" di Josef Marchet

fature s.f.
(fa-tu-re)

Sensazion di jessi strac

sinonimi

cuete, scuniment, sflacjerie, strache, strachece, stracherie, strachetât, stracure, fadie

esempi

"la malatie si menà daûr une grande fature e une pene par ducj, di cjoli, a voltis, il don di sperâ"

da "La tiere di Lansing" di Maria Forte

fature s.f.
(fa-tu-re)

Robe di fâ che e domande sfuarç

sinonimi

cefâ, dafâ, fadie, impegn, imprese, lavorîr, lavôr, opare, strussie, travai, vore

esempi

"la flabe di chê che e cirive il so amôr pierdût, che e veve jemplât siet fiascs di lagrimis, fruiadis siet pâr di scarpis e siet bastons di fier, e infin lu veve cjatât, dopo vê puartadis a bon fin lis faturis comandadis"

da "Il dolfin" di Carlo Sgorlon

fature s.f.
(fa-tu-re)

[TS] (cum.) Document cu la indicazion analitiche des marcjanziis o dai servizis dâts e cul cont dal cost

esempi

"l'impleât al cjale il scartafàs e i dîs: "Culì, paron, a mancjin lis faturis""

da "Amîs come prime" di Alan Brusini

fature s.f.
(fa-tu-re)

[BF] Magjie par fâ mâl

sinonimi

bramazion, magheç, malvoli, scontradure, strieç, tristvoli, malefici, maledizion

esempi

"no si sa mai, chê int a è buine di fâti une fature, un trist voli"

da "La salamandrie tal fûc" di Carlo Tolazzi

monolingue