SuperDizionari

fenomen s.m.
(fe-no-men)

[TS] (sient.) Fat naturâl o produsût, che al po jessi osservât e studiât

sinonims

fat

esemplis

"i pes predadôrs de Dolomie di For nus provin a clâr la impuartance dal fenomen de convergjence tal procès evolutîf"

gjavât fûr di "Gjeologjie e paleontologjie ator di Preon" di Francesco Gobbo

"intune val strete i fenomens di disfredament dal aiar [...] a favorissin tant di plui la nêf che intune valade largje"

gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador

fenomen s.m.
(fe-no-men)

[TS] (filos.) Ce che al aparìs, che si palese ae esperience sensibile variabile, subietive, e in distinzion a ce che e je realtât in se, che no mude, obietive

esemplis

"dut te realtât al jere dome fenomen, ilusion, ingjan dai sens"

gjavât fûr di "Ombris tal infinît" di Carlo Sgorlon

fenomen s.m.
(fe-no-men)

Fat, acjadiment une vore impuartant

sinonims

acjadiment, câs, fat

esemplis

"il fenomen de imigrazion foreste si veve mostrât in Friûl ae fin dai agns otante, ma in forme plui fuarte si afermà tai agns novante"

gjavât fûr di "Un Friûl difarent: i 90 mhz di Onde Furlane" di Max Mauro

fenomen s.m.
(fe-no-men)

Persone o robe ecezionâl che si cjale cun amirazion (coloc.)

sinonims

campion, maravee, miracul, portent

esemplis

"Scuffet al à timp di deventâ, ma forsit nol è e nol è mai stât chel fenomeno che i media a descrivevin"

gjavât fûr di "Contecurte" di Raffaele Serafini

Viôt ancje: fenomeno

monolengâl