SuperDizionari

fenomen s.m.
(fe-no-men)

[TS] (sient.) Fat naturâl o produsût, che al po jessi osservât e studiât

sinonimi

fat

esempi

"i pes predadôrs de Dolomie di For nus provin a clâr la impuartance dal fenomen de convergjence tal procès evolutîf"

da "Gjeologjie e paleontologjie ator di Preon" di Francesco Gobbo

"intune val strete i fenomens di disfredament dal aiar [...] a favorissin tant di plui la nêf che intune valade largje"

da "Notis di meteorologjie pal Friûl - Vignesie Julie" di Stefano Micheletti, Marcellino Salvador

fenomen s.m.
(fe-no-men)

[TS] (filos.) Ce che al aparìs, che si palese ae esperience sensibile variabile, subietive, e in distinzion a ce che e je realtât in se, che no mude, obietive

esempi

"dut te realtât al jere dome fenomen, ilusion, ingjan dai sens"

da "Ombris tal infinît" di Carlo Sgorlon

fenomen s.m.
(fe-no-men)

Fat, acjadiment une vore impuartant

sinonimi

acjadiment, câs, fat

esempi

"il fenomen de imigrazion foreste si veve mostrât in Friûl ae fin dai agns otante, ma in forme plui fuarte si afermà tai agns novante"

da "Un Friûl difarent: i 90 mhz di Onde Furlane" di Max Mauro

fenomen s.m.
(fe-no-men)

Persone o robe ecezionâl che si cjale cun amirazion (coloc.)

sinonimi

campion, maravee, miracul, portent

esempi

"Scuffet al à timp di deventâ, ma forsit nol è e nol è mai stât chel fenomeno che i media a descrivevin"

da "Contecurte" di Raffaele Serafini

Vedi anche: fenomeno

monolingue