Hai cercato la parola
monolingue
Torna indietro

monolingue

fer adi.
Che nol fâs nissun moviment
sinonimi
blocât, dûr, fermât, imobil, impostât, inatîf, incjantât, fis
esempi
"e viodè un automobil fer daûr dal camion"
da "Trê feminis" di Gianni Gregoricchio
"e je li che e spiete, ferme tant che un pipin di zes"
da "I forescj" di Alan Brusini, Gian Paolo Linda
Vedi anche: ferm
fer adi.
Dal aiar, de aghe e v.i., che no corin o che a corin une vore a planc
sinonimi
cuiet, calm, stagn
esempi
"la aga a è ferma, grisi li gravi e dut inselvadiît"
da "Il gorc di Grimau" di Novella Cantarutti
"sot il sofit scûr un fum lizêr al jere fer come un vêl"
da "Il pignarûl" di Pieri Menis
fer adi.
Che nol è stât mot, che al è tal stes puest
sinonimi
fis
esempi
"e fissave simpri lis stessis robis fermis te cjamare a pene iluminade"
da "Cjase di Dalban" di Maria Forte
fer adi.
Di cdn., che nol lavore
sinonimi
dibant
esempi
"il lavorâ al jere chel che al salvave i Moràs. Lavorâ, lavoraçâ magari, ma mai stâ fers, chê e jere la ereditât dai lôr viei"
da "Sul agâr" di Pieri Menis
fer adi.
Cence novitâts, che nol cambie o che no si pues cambiâ (fig.)
sinonimi
fis, imobil, blocât
esempi
"secui di vite ferme disgotâts moment par moment, respîr par respîr, batude par batude di cûr, un compagn di chel altri"
da "La aghe da pît la cleve" di Dino Virgili
"che al cori o al stedi fer, l'orloi, pôc zove: / il timp al passe istès, fer l'è il destin"
da "L'orloi fer" di Emilio Nardini
fer adi.
Di vin, cence bufulutis
esempi
""O cjol une ribuele par plasê" "Ferme o spumantizade?""
fer adi.
Che al à o che al mostre sigurece (fig.)
sinonimi
dûr, franc, indurant, mastin, restîf, salt, stabil, stagn, sigûr, fuart
esempi
"paron di se, cul voli lustri e fer come un flôr di barburice tal forment, al mostrave une dignitât sô personâl avuâl al non de sô famee"
da "Come tai romançs" di Alan Brusini
"e jere restade ben impressionade di chel fâ seriôs e zentîl e, tal stes timp, fer e decidût"
da "Il muc" di Roberto Ongaro
"la sô ande e jere altere, la vôs ferme, ma i voi ju veve ros, di vê vaît"
da "I forescj" di Alan Brusini, Gian Paolo Linda
fer adi.
Che al à ustinazion o pocje voie di adatâsi aes novitâts
sinonimi
dûr, indurant, ustinât, mastin, restîf, salt, tegnadiç, indaûr
esempi
"o continui ancjemò a clamâle cussì. DDR. O soi restât fer a prime de colade dal mûr"
da "La maree nere" di Checo Tam
fer adi.
[TS] (erald.) Te eraldiche, di un animâl, fer su lis cuatri talpis
fer s.m.
Ogjet, aparât che al covente par blocâ alc
sinonimi
sigure
esempi
"al à metût un fer tal barcon par che nol sbati"
fer s.m.
[TS] (dir.) Misure restritive de libertât personâl disponude de polizie tai confronts di personis suspietadis o indiziadis di reât
esempi
"cinc setemanis di preson e po dopo il fer domiciliâr"
da "Cuintristorie dal Nûfcent 1990-2000" di Angelo Floramo
"visiti che tu sês in stât di fer"
da "Sense" di Checo Tam
fer s.m.
[TS] (bancj.) Proviodiment che al bloche la utilizazion di un cont corint o di un dipuesit bancjari di titui
sinonimi
bloc
proverbi
"cjar che e cres no po sta ferme"
"i umign a cjaminin e lis montagnis a stan fermis"
"la cjar che e mene no sta mai ferme"
"la mont a sta ferme e la int e cjamine"
"si trussin ancje lis citis che a stan fermis su la nape"
Torna in Cima