SuperDizionari

fermâsi v.pron.intr.
(fer-mâ-si)

Lassâ di movisi

sinonims

blocâsi, impostâsi, stâ, fermâ

esemplis

"Laurinç si invià a planc, cjalant la int e fermantsi cu la calme a lei i titui dai sfueis tes ediculis"

gjavât fûr di "In viaç di domenie" di Agnul di Spere

"l'automobil si fermà su la plaçute e a dismontarin none Lise, siore Marceline e i fruts"

gjavât fûr di "Cjase di Dalban" di Maria Forte

fermâsi v.pron.intr.
(fer-mâ-si)

Lassâ di fâ ce che si è daûr a fâ

sinonims

cessâ, molâ, lassâ, smeti, dismeti, fermâ, incjantâsi

esemplis

"fermaitsi di lâ indenant, che e je ore!"

gjavât fûr di "I furlans e il timp" di Riedo Pup

"ogni tant si fermave tal mieç dal discors, e in chei jenfris, cundut che il fogolâr al fos plen di int, si podevin sintî a crugnâ i carûi disore"

gjavât fûr di "Il sunsûr" di Meni Ucel

fermâsi v.pron.intr.
(fer-mâ-si)

Di cdn. o di pinsîr, cjalade e v.i., concentrâsi su alc o su cdn. (fig.)

sinonims

centrâsi, dedicâsi

esemplis

"un public onest al sarà dal sigûr pazient cun chescj difiets e al volarà fermâsi pluitost sui aspiets positîfs"

gjavât fûr di "Note dal curadôr ae traduzion dal Infier di Dante" di Sandri Carrozzo

fermâsi v.pron.intr.
(fer-mâ-si)

Stâ li di cdn. tant che ospit

sinonims

restâ

esemplis

"si cjatavisi a cjase mê. A voltis si fermave ancje a durmî"

gjavât fûr di "Trê feminis" di Gianni Gregoricchio

"Momi vûstu fermâti a gustâ cun nô, mê agne à dit che e spessearà a fâ di mangjâ"

gjavât fûr di "Un pugn di moscjis" di Pieri Somede dai Marcs

fermâsi v.pron.intr.
(fer-mâ-si)

Stâ a vivi o a lavorâ

sinonims

restâ

esemplis

"se ben che a fossin passâts sedis agns, nol pensave par nie di fermâsi par simpri tal Venezuela"

gjavât fûr di "Gno barbe Sisto" di Lucio Perès

"e veve di sei une suplence di un mês, invezit mi soi fermât dut l'Invier"

gjavât fûr di "I forescj" di Alan Brusini, Gian Paolo Linda

monolengâl