SuperDizionari

fibre s.f.
(fi-bre)

[TS] (biol.) Struture dai tiessûts dai animâi, di forme slungjade, sfiliose, elastiche, flessibile e resistente

esempi

"il cerviel di diestre e chel di çampe a son in comunicazion fra di lôr cuntun miliart di fibris gnervosis"

da "Il cjâf dai furlans" di Franc Fari

fibre s.f.
(fi-bre)

Complès dai caratars psicofisics

sinonimi

grene, vite, gnerf

esempi

"la atmosfere chenti e je pesante, cussì che e fâs deventâ la fibre plui rilassade e mancul disponude a sopuartâ lis fadiis"

da "Liniis di storie sociâl e economiche dal Friûl 1500 – 1800" di Adrian Cescje

fibre s.f.
(fi-bre)

Singul filament o complès di filaments che si puedin doprâ tant che materie prime par fâ filâts e tiessûts

esempi

"lis stofis a jerin di lanial e raion, no tignivin ni cjalt ni frêt, lis fibris artificiâls [sintetichis] no jerin cognossudis a chei timps"

da "Pôre de colpe" di Alma Marega Frattini

fibre s.f.
(fi-bre)

[TS] (tecn.) Carton une vore compat, resistent e impermeabil, doprât, soredut une volte, par fâ valîs, cassis e v.i.

sinonimi

carton fibre, fibre vulcanizade

esempi

"passade la stazion di Reane Eliseo al tirà jù de rêt la valîs di fibre e al si invià de bande de puarte"

da "Prime di sere" di Carlo Sgorlon

"la cartele e jere di fibre, dure plui che no il corean"

da "Îr e doman" di Gianni Gregoricchio

monolingue