Hai cercato la parola
monolingue
Torna indietro

monolingue

finît adi.
(fi-nît)
Che al è stât puartât insom
esempi
"al viodeve bielzà cu la fantasie la fabriche finide e in funzion"
da "Ombris tal infinît" di Carlo Sgorlon
"un pâr di dalminis che jes ai prometudis par usgnot, e par usgnot al vûl vêlis fatis e finidis"
da "Lis predicjis dal muini" di Josef Marchet
"Guri al restà cu la bocje vierte a cjalâ la sô cjase finide"
da "La aghe da pît la cleve" di Dino Virgili
finît adi.
(fi-nît)
Che al à dutis lis sôs parts cemût che al covente
sinonimi
perfet
esempi
"par sei une bolp finide, i mancjave nome la code"
da "Un om di mont" di Alan Brusini
finît adi.
(fi-nît)
Di un lavoradôr, di un artesan, di un artist e sim., che al à finît di fâ di garzon, che aromai al è espert
sinonimi
espert, franc, navigât, sfrancjât, valent
esempi
"al sa cusinâ di dut e ben, al è cogo finît"
finît adi.
(fi-nît)
Lât o rivât par câs o cence volê
esempi
"di chei che a jerin a stâ dentri no si saveve nuie. Dispierdûts, finîts cuissà indulà"
da "Ombris tal infinît" di Carlo Sgorlon
finît adi.
(fi-nît)
Doprât fin insom (fig.)
sinonimi
brusât, lât, mangjât, suiât
esempi
"butâ vie lis latis di vueli finidis"
finît adi.
(fi-nît)
Une vore strac
sinonimi
acanât, canât, cuet, discunît, disfat, disgnervât, dismedolât, madûr, nichilît, brusât, scanât, sfinît
esempi
"o ai corût vincj chilometris, ma i ultins cinc o jeri finît"
finît adi.
(fi-nît)
Di cdn., lât in ruvine, che nol à plui resons ni sperancis
sinonimi
copât, cuet, distrut, lât, muart, spedît, disperât
esempi
"se mi cjolessis la muiniance, che le pratichi di trente agns incà, sore nuie, o sarès un om finît"
da "Lis predicjis dal muini" di Josef Marchet
finît adi.
(fi-nît)
Che nol è plui
sinonimi
passât, lât
esempi
"tes cjançons di jê a jerin amôrs finîts e fantatis no plui bussadis"
da "La pueme cu la vôs biele" di Agnul di Spere
"al jere l'arbul gjenealogjic di une famee siore finide"
da "Mascaris e... maraveis" di Pieri Menis
finît adi.
(fi-nît)
(filos.) Che al è limitât
esempi
"cheste puare creature finide tes sôs pussibilitâts e infinide tes sôs bramis"
da "Sant Jacum, là che al finìs il mont" di Antoni Beline
"o sin componûts di parts, o sin part di un dut, di un dut che al pues jessi dome finît, o se tu âs miôr, indefinît"
da "Il lôf" di Fabian Ros
finît adi.
(fi-nît)
[TS] (mat.) Di insiemi, che al à corispondence biunivoche cuntun insiemi limitât di numars naturâi
esempi
"une operazion matematiche di sume di valôrs finîts"
da "L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane" di Lorenzo Marcolini
"une sorzint discrete, vâl a dî une sorzint che si pues rapresentâ cuntun alfabet fat di un numar finît di simbui"
da "La societât de informazion: cirint lis origjins" di Valentino Castellani
finît adi.
(fi-nît)
[TS] (gram.) Di mût verbâl, che al à persone, gjenar e numar, in oposizion a chei che no 'nd àn
esempi
"l'indicatîf, il condizionâl, il coniuntîf e l'imperatîf a son mûts finîts"
proverbi
"cuant che si è muarts, al è finît dut"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"lavôr mieç fat al è biel finît"
"si cognòs il ben co al è finît e plui nol ven"
Torna in Cima