Tu âs cirût la peraule
monolengâl
torne indaûr

monolengâl

fin adi.
Che nol è grues
sinonims
sutîl
esemplis
"la cjamese blancje come un dint di cjan e tant fine che e pareve piel di ûf"
gjavât fûr di "Il solt dal Signôr" di Catarine Percude
"e ven Primevere: fine e frescjine e salte fûr la jerbe pal prât"
gjavât fûr di "La rosade di sant Zuan" di Catarine Percude
fin adi.
Che al à precision cure o che al mostre o che al è fat cun precision
sinonims
detaiât, diligjent, minût, profont, sutîl
esemplis
"mi somee che rispiet ai +Sklets precedents cheste serie e vedi domandât une tecniche plui fine e un sfuarç plui grant ancje sul plan finanziari"
gjavât fûr di "Interviste cun Giorgio Cantoni" di Fabian Ros
fin adi.
Che al à o che al mostre capacitât di capî fin insot, inteligjence, ancje furbetât
sinonims
acuart, babio, bolpin, dret, perspicaç, picant, pront, scaltri, sgarzât, sveât
esemplis
"une rispueste fine, une cjatade origjinâl… di cjâf"
gjavât fûr di "La aghe da pît la cleve" di Dino Virgili
"une teolighe tant fine, tant complicade e cussì polivalente che nissun à di rivâ a capî un dret"
gjavât fûr di "Il sierai dal Quirinâl" di Riedo Pup
fin adi.
Che al à o che al mostre creance, elegance e v.i.
sinonims
creançôs, dignitôs, finet, preseât, siôr, civîl, civilin
esemplis
"la frute e jere bionde e fine e di buine famee"
gjavât fûr di "Par stradis lungjis" di Alan Brusini
"e jere nassude a Viene, siore Taresie: e jere une todescje educade, fine"
gjavât fûr di "Il «pigjama»" di Pieri Menis
fin adi.
Di orghin sensoriâl, che al funzione une vore ben, che al fâs distinzions precisis (fig.)
esemplis
"“Dresden.” Jo o vevi capît Triest. No ai une orele fine"
gjavât fûr di "La maree nere" di Checo Tam
fin adi.
Dal aiar, che si respire cun plasê par vie de netisie, de pocje umiditât, de frescjece
sinonims
lizêr, net, sutîl
esemplis
"al varès vût bisugne, par un pâr di agns, di vivi intun paîs di montagne là che la arie e je plui fine e pure e e favorìs il rinfuarçâsi dai polmons ofindûts"
gjavât fûr di "Cretevierte" di Roberto Ongaro
detulis
"amôr di cusin al è plui fin"
"lavôr fin si mangje fin"
torne sù