"i rapuarts di produzion tra [...] i siôrs o parons di tiere e i contadins, si fissarin tra 1500 e 1600 e a restarin chei fin a 1900"
da "Liniis di storie sociâl e economiche dal Friûl 1500 – 1800" di Adrian Cescje
"al sarès ancje interessant di analizâle a la fonde, cheste lenghe, par capî se e trop che la norme e je rivade adore di fissâsi"
da "Il timp des domandis" di Laurin Zuan Nardin
fissâsiv.pron.intr. (fi-ssâ-si)
Jentrâ e fermâsi inte memorie, tal pinsîr (fig.)
esempi
"un bon slogan al va ripetût, chel e simpri chel fin che si fissi tal cjâf e al puarti a la rispueste convinte"
da "Comunicâ la autonomie" di Sandri Di Suald
"lis lenghis imparadis a cheste etât, cence cussience e sfuarç, si fissin intai sistemis de memorie procedurâl"
da "Il cjâf dai furlans" di Franc Fari
fissâsiv.pron.intr., v.pron.tr. (fi-ssâ-si)
Fermâsi a cjalâ fis, cjalâ fis alc di se stes o cjalâsi fis un cul altri (ancje fig.)
esempi
"ognun al veve pôris gnovis tai voi che si fissavin tal vueit"
da "Cjase di Dalban" di Maria Forte
"cjaminâ un a flanc l'altri, cence fissâsi tai voi, cjalant lontan, in alt, viers la cime, fasint fente di dî robis di nuie"
da "Cretevierte" di Roberto Ongaro
fissâsiv.pron.intr. (fi-ssâ-si)
Considerâ cun atenzion, o ancje cun ustinazion o ancje in maniere ossessive
esempi
"[Angelo Bongioanni] tal articul “A proposito di grafia” al ironize su la fantasie paranoide dal gjornâl concorint fissantsi soredut su problemis di grafie"
da "Il lunari mai jessût - Tellini te prime vuere mondiâl" di Donato Toffoli
"a jerin contraris dome parcè che no jere la "lôr" grafie che si jerin fissâts a doprâle fin ae muart"
da "Memoriis di politiche linguistiche" di Adrian Cescje