SuperDizionari

monolengâl

fontane s.f.
(fon-ta-ne)

Vene di aghe che e ven sù de tiere

sinonims

avenâl, font, nassart, ole, risultive, risulture, sorzint, spissulon

esemplis

"cuant che mi mandavin a cjoli aghe, mi disevin di cjoli di chê sot, plui frescje. La fontane e jere suntune culine lontane, di là di un palût"

gjavât fûr di "Il gno prin pâr di scarpis" di Pieri Menis

"[la aghe] a si zeva a tueila ta li fantani che a saltavin four sot i crets o drenti li claupi sfodradi di muscli"

gjavât fûr di "Scarpeti" di Novella Cantarutti

Viôt ancje: fantane

fontane s.f.
(fon-ta-ne)

Implant che al bute fûr aghe aurint dret di une vene o dal acuedot

esemplis

"lis feminis a lavin e a vignivin de latarie, fermantsi un moment te fontane par resentâ i seglots"

gjavât fûr di "Prime di sere" di Carlo Sgorlon

"tal prin e jere stade amicizie di curtîi e di fontane dome fra lis feminis, po Doro si jere incjantât di jê e al veve cjapât puest tal so cûr"

gjavât fûr di "L'aventari pal barcon" di Maria Forte

fontane s.f.
(fon-ta-ne)

Fûc di artifici che al bute lusignis che a vegnin jù come la aghe di une fontane

fontane s.f.
(fon-ta-ne)

Robe o persone che e prodûs alc, cause (fig.)

sinonims

cause, motîf, origjin, principi, font

esemplis

"Rome imperiâl, parone dal mont, lusôr da la umanitât, fontane dal dirit, mari de civiltât"

gjavât fûr di "Cumò che o savìn..." di Josef Marchet

detulis

"cui che al vûl aghe che al ledi a la fontane"

"gjave e no met, la fontane a va a sec"

"lagrime di femine, fontane di malizie"

"maladete chê latoane che e va a la fontane"

torne sù