SuperDizionari

formâ v.tr.
(for-mâ)

Dâ la forme, dâ une cierte forme

sinonims

fâ, sacomâ, stampâ, stampanâ, stampanâ sù

esemplis

"si jere fermât a fâ l'Invier su la fornâs, stant che in chê stagjon no vevin cuet dut il modon che a vevin formât"

gjavât fûr di "Cretevierte" di Roberto Ongaro

formâ v.tr.
(for-mâ)

Dâ une formazion, dâ valôrs, competencis e v.i. (fig.)

sinonims

costumâ, inscuelâ, insegnâ, inviâ, plasmâ, sfrancjâ, tirâ sù

esemplis

"l'Istitût Tecnic e Comerciâl Antonio Zanon, che al varès formât i fîs dai contadins par che a deventassin impleâts, segretaris, dipendents des impresis che a nassin aromai par dut il Friûl"

gjavât fûr di "Cuintristorie dal Nûfcent 1950-1960" di Angelo Floramo

"La Universitât dal Friûl che e veve di permeti ai nestris zovins di studiâ e di formâ la classe professionâl e dirigjente di cheste tiere le vin otignude"

gjavât fûr di "Tal non di Fausto Schiavi" di Adrian Cescje

formâ v.tr.
(for-mâ)

Meti intune un complès fat di plui elements o personis, ancje daûr di un ciert ordin

sinonims

componi, costituî, dâ adun, dâ dongje, fâ, fâ sù, jessi, meti dongje, tirâ adun

esemplis

"Maurizio, chel che dopo al à formât il grup punk dai Krisma"

gjavât fûr di "Beromünster e Monteceneri" di Checo Tam

"no si tratave di formâ un partît o un grup di azion politiche, ma une socie di studi e di analisi politiche de situazion specifiche furlane"

gjavât fûr di "Memoriis di politiche linguistiche" di Adrian Cescje

formâ v.tr., v.intr.
(for-mâ)

Cjapâ une cierte forme, jessi part di alc che al à une cierte forme, nature, cualitât e v.i.

esemplis

"i Langobarts si jerin aromai ducj messedâts cui antîcs abitants dal Friûl e a formavin un sôl popul"

gjavât fûr di "Cuintristorie dal Friûl fin sot la Italie" di Josef Marchet

"viodûts dal alt, i coridôrs a jemplin lis stradis come afluents di un flum che al forme un estuari impressionant"

gjavât fûr di "Faliscjis" di Cristina Noacco

monolengâl