SuperDizionari

frece s.f.
(fre-ce)

Arme fate di une aste spiçade o cuntune ponte di materiâl dûr, pal solit cun alutis di stabilizazion, fate par jessi trate cul arc o cu la balestre

esemplis

"frecis e claps, vueli e peule bulint / butin aduès di chei besteons rabiôs, / e, in mièç di lôr, l'è il duche che al si bat / da vêr soldât furlan e coragiôs"

gjavât fûr di "La storie di Gjisulfo e di Romilde" di Bepo Marion

"finît il fier duel, Enea disè: / "Cui è di vô che uli tirâ di freça?" / E al istès timp ju premis esponè / par chei, che avessin vût maiôr destreça"

gjavât fûr di "La Eneide di Virgjili" di Zuan Josef Busiç

frece s.f.
(fre-ce)

Forme o figure cuntune ponte di une bande, doprade pal solit tant che segnâl par indreçâ

esemplis

"là sù, su la strade, e je une piere scrite: «Strada di Germania» e une frece e mostre de bande des monts di Cjargne"

gjavât fûr di "La aghe da pît la cleve" di Dino Virgili

"al jere dome un cartel cun stranis nons e frecis che a levin par ogni pont cardinâl"

gjavât fûr di "Sense" di Checo Tam

frece s.f.
(fre-ce)

Lûs intermitente che si pues piâ sui cjantons a diestre o a çampe di un veicul, o che e je montade su supuarts di pueste par che si viodi, par segnalâ i cambiaments di direzions

esemplis

"tache in moto che o tachìn a movi il cûl e o tachìn a niçâsi e che “Mandi mame, che mi rimpini bande Udin” e seconde che usgnot no grate e tierce a sdrondenon e cuarte juste a pêl denant de glesie e fûr la frece, frizion pontade a bombe. Ferme un lamp"

gjavât fûr di "Sbigule" di Massimo Govetto

monolengâl