SuperDizionari

furie s.f.
(fu-ri-e)

[TS] (mitol.) Ancje cun iniz. maiusc., ognidune des trê divinitâts romanis che a corispuindevin aes Erinis greghis, che a personificavin il svindic

esemplis

"come une furie al cjape di gnûf Meni pal stomi, lu strissine e lu bute fûr de puarte"

gjavât fûr di "Vilie di Nadâl" di Pieri Somede dai Marcs

"dispetenade a usance di une furie"

gjavât fûr di "La fie contentade" di Pieri Çorut

furie s.f.
(fu-ri-e)

Rabie no controlade

sinonims

colare, fote, grinte, rabie

esemplis

"Agnul al tache a blestemâ e a coriur daûr, e lôr cuatri vie, a scjampâ, plens di pôre, par podê parâsi de furie di lôr nono"

gjavât fûr di "Altris contis di famee" di Raffaele Serafini

furie s.f.
(fu-ri-e)

Fuarce violente

sinonims

empit, fogôr, rabie, rapine, viamence, violence, furôr

esemplis

"tant dal Friûl che si cognosseve al è stât scancelât vie par simpri di chê furie bestiâl [dal taramot]"

gjavât fûr di "Cuintristorie dal Nûfcent 1970-1980" di Angelo Floramo

furie s.f.
(fu-ri-e)

Desideri infogât o necessitât fuarte di fâ alc di corse

sinonims

presse, premure, buride

esemplis

"un amôr sclopât a colp e subit vivût come che o vessin furie di consumâlu fin insom"

gjavât fûr di "Trê feminis" di Gianni Gregoricchio

"«Calìn la vela», veva visât plui voltis il barba, che capiva il pericul e no veva chê grant furia del zovin"

gjavât fûr di "Il me paîs" di Federigo Comelli

monolengâl