SuperDizionari

gafâ v.tr.
(ga-fâ)

Cjapâ cun fuarce e cun sveltece

sinonimi

cjapâ, grampâ, brincâ, brancâ, gatamâ, dâ la gafe

esempi

"[pai rapinadôrs] gafâ il sac e sparî cui trente milions al è dut un e al diretôr no i reste altri che di sunâ l'alarme"

da "La rambe" di Fabian Ros

"noaltris fruts si rivave a gafâju [i gjambars] come nuie e a implenâ un zei di lidric tun marilamp"

da "Cuant che i gjambars a polsavin sui arbui" di Gianni Colledani

gafâ v.tr.
(ga-fâ)

Cjatâ sul fat cdn. che nol vûl jessi cjatât (fig.)

sinonimi

becâ, cjapâ, curâ, dâ la gafe, dâ la trate, brincâ, gatamâ

esempi

"lu viôt, lu gafi tal fat. Lui nol fâs nencja fenta"

da "Donald dal Tiliment" di Stiefin Morat

gafâ v.tr.
(ga-fâ)

Rivâ a vê, a otignî (fig.)

sinonimi

cjapâ, cjoli

esempi

"lis fuarcis nazionalitariis (EH Bildu e Geroa Bai) a vuadagnin consens, ma no rivin a gafâ nissun deputât"

da "Scozês e galês in place" di Marc Stolf

gafâ v.tr.
(ga-fâ)

Di umôr, istint, impuls, sensazion e v.i., jentrâ dentri di une persone, di buride, cun fuarce, cuintri de volontât de persone stesse e sim. (fig.)

sinonimi

cjapâ, cjoli, strenzi

esempi

"fin che i voi a son sierâts il mâl no mi gafe"

da "Cui sêstu?" di Laurin Zuan Nardin

monolingue