SuperDizionari

monolengâl

galere s.f.
(ga-le-re)

[TS] (st.mar.) Nâf svelte, cun velis e rems, doprade tal Mediterani tra la Ete di Mieç tarde e il secul XVIII

esemplis

"il pape al va sù pal canâl fin dongje Maran, dulà che lu spietin dôs galeris mandadis di pueste di Ladislau re di Napoli"

gjavât fûr di "Cuant che un Patriarcje al ordenà di copâ il Pape" di Diego Navarria

galere s.f.
(ga-le-re)

Preson, struture li che si tegnin i condanâts a une pene di pierdite de libertât

sinonims

casnà, chebe, penitenziari, preson, scjaipule, stie

esemplis

"e je stade brincade e sgnacade in galere par vie di une condane mertade za fa cuarante agns"

gjavât fûr di "La none in cuço e Cutolo assolt" di Riedo Pup

"tante int lu veve in stime, si ben che al jere stât in galere"

gjavât fûr di "Prime di sere" di Carlo Sgorlon

galere s.f.
(ga-le-re)

Puest o situazion li che no si rive a vê libertât (fig.)

sinonims

preson

esemplis

" rivavie pardabon a tiessi chel ingjan a se stesse? Si podevial sul seri vivi nome te galere dal presint, che jê si ustinave a clamâ libertât?"

gjavât fûr di "Il dolfin" di Carlo Sgorlon

"e se galere / chist mont. Oh! lu sai"

gjavât fûr di "Vuere al dolôr" di Zuan Minut

galere s.m., s.f.
(ga-le-re)

Persone che si compuarte in mût contrari aes leçs o aes regulis, ancje tant che ofese gjeneriche (ancje scherç.)

sinonims

delincuent, rem di galere, forcje, ligjere, toc di picjât, cjamoie, canaie, barabe

esemplis

"un paîs plen di canaiatis, di massepassûts, di imbroions, di cjochelis, di galeris, di barabis"

gjavât fûr di "Lis predicjis dal muini" di Josef Marchet

"ce vevio fat di mâl par meretâmi / che mi tratàs che nancje une galere, / un lazaron, un ludro, un sioperât?"

gjavât fûr di "Voi" di Meni Ucel

detulis

"la galere e la preson no fâs mai nissun di bon"

"par debits no mi picjin e nancje in galere no mi metin"

torne sù