Hai cercato la parola
monolingue
Torna indietro

monolingue

galere s.f.
(ga-le-re)
[TS] (st.mar.) Nâf svelte, cun velis e rems, doprade tal Mediterani tra la Ete di Mieç tarde e il secul XVIII
esempi
"il pape al va sù pal canâl fin dongje Maran, dulà che lu spietin dôs galeris mandadis di pueste di Ladislau re di Napoli"
da "Cuant che un Patriarcje al ordenà di copâ il Pape" di Diego Navarria
galere s.f.
(ga-le-re)
Preson, struture li che si tegnin i condanâts a une pene di pierdite de libertât
sinonimi
casnà, chebe, penitenziari, preson, scjaipule, stie
esempi
"e je stade brincade e sgnacade in galere par vie di une condane mertade za fa cuarante agns"
da "La none in cuço e Cutolo assolt" di Riedo Pup
"tante int lu veve in stime, si ben che al jere stât in galere"
da "Prime di sere" di Carlo Sgorlon
galere s.f.
(ga-le-re)
Puest o situazion li che no si rive a vê libertât (fig.)
sinonimi
preson
esempi
" rivavie pardabon a tiessi chel ingjan a se stesse? Si podevial sul seri vivi nome te galere dal presint, che jê si ustinave a clamâ libertât?"
da "Il dolfin" di Carlo Sgorlon
"e se galere / chist mont. Oh! lu sai"
da "Vuere al dolôr" di Zuan Minut
galere s.m., s.f.
(ga-le-re)
Persone che si compuarte in mût contrari aes leçs o aes regulis, ancje tant che ofese gjeneriche (ancje scherç.)
sinonimi
delincuent, rem di galere, forcje, ligjere, toc di picjât, cjamoie, canaie, barabe
esempi
"un paîs plen di canaiatis, di massepassûts, di imbroions, di cjochelis, di galeris, di barabis"
da "Lis predicjis dal muini" di Josef Marchet
"ce vevio fat di mâl par meretâmi / che mi tratàs che nancje une galere, / un lazaron, un ludro, un sioperât?"
da "Voi" di Meni Ucel
proverbi
"la galere e la preson no fâs mai nissun di bon"
"par debits no mi picjin e nancje in galere no mi metin"
Torna in Cima