Hai cercato la parola
monolingue
Torna indietro

monolingue

gjavâsi v.pron.intr.
(gja-vâ-si)
Metisi lontan, parâsi in bande
sinonimi
jessi, lâ vie
esempi
"no ai nissune voie di metimi a tabaiâ, ni di paiâi di bevi, anzit, mi da fastidi. O poi i bêçs sul banc par gjavâmi di lì"
da "I forescj" di Alan Brusini, Gian Paolo Linda
"Lis robis a levin simpri piês in famee e so missêr al volè gjavâsi di cjase e al le cuntune sô fie che e jere lade a marît a Flaiban"
da "A jerin lagrimis" di Pieri Somede dai Marcs
gjavâsi v.pron.intr.
(gja-vâ-si)
Jessi diferent, jessi une ecezion
sinonimi
diferenziâsi, distinguisi
esempi
"cuant che il lavôr al sarà finît dute la cjase e mostrarà une muse che si gjave des cjasis chi ator"
da "Cjase di Dalban" di Maria Forte
gjavâsi v.pron.intr.
(gja-vâ-si)
Passâ par une situazion negative, pericolose e sim., cence masse dams
sinonimi
puartâle fûr, gjavâse, gjavâsi fûr, gjavâse fûr
esempi
"Fausto, al scugnive contâ e tornâ a contâ dal timp passât jenfri i mucs, che ducj a volevin savê cemût che si jere gjavât cussì ben"
da "Cjase di Dalban" di Maria Forte
"la stupide sperance di gjavâsi a bon presit des consecuencis di une vuere pierdude"
da "Cuant si risolvaraie Rome a sistemâ i Julians?" di Josef Marchet
gjavâsi v.pron.tr.
(gja-vâ-si)
Tirâ vie alc che si à intor
sinonimi
tirâ vie, gjavâ
esempi
"cun galantarie, si gjavave il cjapiel par fevelâ cun jê"
da "Come tai romançs" di Alan Brusini
"al si gjave il capot, gjachete e braghessis e al va tal jet sot des cuviertis"
da "Al fresc" di Pieri Somede dai Marcs
gjavâsi v.pron.tr.
(gja-vâ-si)
Fâ in maniere di no vê plui une idee, une sensazion, un sintiment e v.i.
esempi
"vuei lâ vie di ca, vuei gjavâmi chê pene che o ai tal cûr"
da "Vilie di Nadâl" di Pieri Somede dai Marcs
"une cjaminade par gjavâsi il rusin des comissuris induridis dal frêt"
da "Lis predicjis dal muini" di Josef Marchet
"nol rivave a gjavâsi di intorsi il ricuart di chel sium stramp, plen di imagjins inmagadis e dolcis"
da "Grivôr" di Franca Mainardis
gjavâsi v.pron.tr.
(gja-vâ-si)
Rinunziâ di pueste a alc (fig.)
esempi
"al è fi di 'Sef Tondul, che nol à dibisugne di gjavâsi il pan di bocje ni il vin dal gargat, par vistî il so frut"
da "Lis predicjis dal muini" di Josef Marchet
proverbi
"cui che nol à voiis, al vûl dî che ses à gjavadis"
"cui che si gjave il sium no si gjave la fam"
Torna in Cima