SuperDizionari

gjenerazion s.f.
(gje-ne-ra-zi-on)

Il gjenerâ, il gjenerâsi e il lôr risultât

esempi

"intal sium REM si è viodude une ativazion dal tronc dal encefal, dal talam e di struturis colegadis a la gjenerazion des emozions"

da "Neurosiencis dal sium e dal insium" di Franc Fari

gjenerazion s.f.
(gje-ne-ra-zi-on)

[TS] (filos.) Te filosofie aristoteliche, mudament che al puarte ae formazion di une sostance cul partî de rude materie

esempi

"la gjenerazion dai insets e je spontanie"

gjenerazion s.f.
(gje-ne-ra-zi-on)

[TS] (teol.) Tal catolicisim, il mût che il Fi al ven dal Pari

esempi

"il Fi al ven par gjenerazion e no par creazion"

gjenerazion s.f.
(gje-ne-ra-zi-on)

Complès di membris di une famee che a àn il stes grât di divignince di un progjenitôr

esempi

"la sô famee e viveve là dentri di centenârs di agns; gjenerazions e gjenerazions nassudis e muartis in chê cjase"

da "Lis çuculis dal Gjigjo" di Pieri Menis

gjenerazion s.f.
(gje-ne-ra-zi-on)

Complès di personis che a àn plui o mancul la stesse etât

sinonimi

classe, jeve, naie, vualece, gjernazie

esempi

"o soi convinte che lis gnovis gjenerazions dai Furlans dal Canadà a àn di cognossi il furlan e il Friûl di vuê"

da "Interviste a Sandra Pizzolitto Pupatello" di Christian Romanin

"par ordin che la gjenerazion viele si srarìs, ancje la glesie si disvuede"

da "Lis predicjis dal muini" di Josef Marchet

gjenerazion s.f.
(gje-ne-ra-zi-on)

Timp jenfri la nassite di un individui e chê dai siei fîs

esempi

"i pareve un pôc come tornâ a vivi in trincee, tal pericul, daspò di une gjenerazion di trancuilitât"

da "Ombris tal infinît" di Carlo Sgorlon

monolingue