Hai cercato la parola
monolingue
Torna indietro

monolingue

gnûf adi.
A pene finît, fat di pôc timp o ancje che si è daûr a fâ
sinonimi
crei, di scree, resint
esempi
"ogni tant al si inacuarzeve che a vevin fate sù une cjase gnove, o pûr stabilide une di chês vecjis"
da "Prime di sere" di Carlo Sgorlon
"sot e passave la strade gnove, che e lassave fûr il paîs"
da "Prime di sere" di Carlo Sgorlon
Vedi anche: gnôf, nûf, nôf
gnûf adi.
Comprât di pôc timp
sinonimi
crei, di scree, resint
esempi
"cu la mude e lis scarpis gnovis che a criçavin a ogni pas"
da "Cretevierte" di Roberto Ongaro
"Eliseo al vignì jù a misdì in pont cu la cjamese gnove"
da "Prime di sere" di Carlo Sgorlon
gnûf adi.
No fruiât, doprât pôc, tignût ben
sinonimi
crei, di scree
esempi
"i libris a son li di agns ma a son ancjemò gnûfs, cualchidun ancje cu lis pagjinis di taiâ"
gnûf adi., s.m.
Di un prodot agricul, de ultime produzion
sinonimi
crei, novel, resint
esempi
"Sant Martin, odôr di vin gnûf, fieste de racolte"
da "La aghe da pît la cleve" di Dino Virgili
"plats di patatutis gnovis e di vuaìnis frescjis, tenaris come spongje"
da "I furlans e lis feriis" di Riedo Pup
gnûf adi.
Che al è li par scomençâ, o a pene scomençât
sinonimi
che al jentre, che al ven, crei
esempi
"al rive il gnûf an e o sin ca a spietâlu cul cûr ingropât e il flât ingussît"
da "Il cîl nulât" di Josef Marchet
gnûf adi.
Di pôc timp intune determinade cundizion o ancje che in curt al à di tacâ a jessi intune cierte cundizion
esempi
"te Union a son jentrâts dîs stâts gnûfs, al 1n di Mai dal 2004"
da "Minorancis linguistichis" di Marc Stolf
gnûf adi.
Che al à caratars diferents rispiet a alc che al jere prime o che al è simpri stât
esempi
"cu la aprovazion de leç regjonâl n. 15 dal 1996 si vierç une situazion gnove par Onde Furlane e par dutis lis realtâts che si interessin de promozion dal furlan"
da "Un Friûl difarent: i 90 mhz di Onde Furlane" di Max Mauro
gnûf adi.
Che al cjape il puest o cualchi funzion di cdn. o di alc che al jere prime
esempi
"comunitâts [di emigrants] che a àn tignudis vivis lis lidrîs, ma no àn ostacolade une integrazion di sucès, fate di rispiet vuadagnât e ufiert aes gnovis patriis"
da "Su la cuarde de imigrazion" di Toni Capuozzo
gnûf adi.
Che si somee cun cdn. o cun alc che al jere za stât famôs intal passât o che al è une sô version inzornade o mudade
sinonimi
altri
esempi
"al pense di jessi un gnûf Zico"
gnûf adi.
No cognossût, che si viodilu pe prime volte
sinonimi
discognossût, no cognossût
esempi
"cetancj di lôr [...] che a vignivin a cognossi li [in ostarie] gnove int"
da "I furlans e la ostarie" di Riedo Pup
"il so sens dai afârs no le bandonave mai, nancje intune situazion gnove, intun gnûf paîs"
da "Il sium di Lissandri" di Franca Mainardis
gnûf s.m.
Dome tal sing., robe a pene fate, preparade, inventade e v.i. o che e compuarte une diference rispiet a ce che al jere
esempi
"il gnûf e il grant nol è simpri e dut progrès"
da "I caratei des scovacis" di Riedo Pup
"Gnotui? Achì tal gnûf? Forsit e sarà une viertidure intes trâfs"
da "X-Reihen" di Checo Tam
gnûf s.m.
Dome tal sing., robe in vendite o setôr di robe in vendite no doprade
esempi
""Vêso bicicletis di seconde man?" "No mi displâs, o lavorìn dome cul gnûf""
proverbi
"cualchi volte e dure plui une vite viere che no une gnove"
"cui che al lasse la strade viere pe gnove al sa ce che al lasse ma nol sa ce che al cjate"
"cui che al romp di vieri al paie di gnûf"
"di gnûf dut al è biel"
"e dure plui une cite sclapade che no une gnove"
"e vâl plui la cite viere che no la gnove"
"il claut vieri al sparagne chel gnûf"
"mai bandonâ la strade viere par chê gnove"
"no bisugne lassâ la strade viere par chê gnove"
"pecjât vieri e pinitince gnove"
"scove gnove a scove ben, viodarìn chest an cu ven"
"scove gnove e scove ben"
"scove gnove e scove ben, e je la viere che e manten"
Torna in Cima