Hai cercato la parola
monolingue
Torna indietro

monolingue

gnervôs adi.
(gner-vôs)
Dai gnerfs, formât di gnerfs, che al à a ce fâ cui gnerfs, cu lis celulis dal cuarp che a trasmetin sensazions e comants
esempi
"lis struturis gnervosis dal lengaç a son localizadis su la superficie laterâl de scuarce dal cerviel"
da "Speculazions su la origjin dal lengaç" di Giacomo Rizzolatti, Laila Craighero
Vedi anche: gnarvôs, nervôs
gnervôs adi., s.m.
(gner-vôs)
Che, cui che nol è calm
sinonimi
ansiôs, aprensîf, irecuiet, preocupât, sbarlufît, stranît, tirât, gnervin, agjitât, iritabil, malcuiet, spasimât, spirtât
esempi
""[...] ma ce gnervôs che tu sês vuê, ce isal sucedût?""
da "Barbane" di Pieri Somede dai Marcs
"un trot di cjavai gnervous"
da "Li samassi" di Novella Cantarutti
gnervôs s.m.
(gner-vôs)
Umôr o sensazion di mancjance di calme
sinonimi
ansie, ansietât, ecitazion, incuietudin, tension, gnervosetât, gnervosisim, gnervin, fastidiôs, sustul, urtôs, irecuietece, malcuietece, sbisiament, sbisie, smanie
esempi
"a lui, Dalban, i veve cjapât il gnervôs. Ma Fidrì aromai nol taseve"
da "Cjase di Dalban" di Maria Forte
"Gusto al scugnì sentâsi, di tant che i tremavin i zenoi pal gnervôs"
da "Il muc" di Roberto Ongaro
"trê plans di scjalis al à fat, par fâsi passâ il gnervôs"
da "Il progrès" di Ivano Urli
gnervôs adi.
(gner-vôs)
Che si môf o che al reagjìs ben svelt
sinonimi
energjic, rapit, saltarin, svelt
esempi
"al amirave chel sbati e tornâ a sbati des piecis blancjis su la piere dal lavadôr e chês mans sutis e gnervosis che a tuarzevin, a insavonavin, a striçavin cun maestrie"
da "Cretevierte" di Roberto Ongaro
gnervôs adi.
(gner-vôs)
Di espression o di stîl creatîf, fat di formis curtis e di cambis imburîts (fig.)
esempi
"cheste ancone e chê di Zui a son doi moments une vore impuartants te art di Domeni [di Tumieç], grafiche e gnervose chê di Sant Pieri, e maestose e essenziâl chê di For Disore"
da "Storie de art in Friûl" di Bepi Agostinis
gnervôs adi.
(gner-vôs)
Dal cuarp o di une sô part, che si presente sut e al mostre lis fibris muscolârs
sinonimi
gnervin
esempi
"Line e cresseve ben: une misture di soreli dal misdì e buere di tramontan. Gnervose tant che un cuargnolâr, tuartelice tant che un venc"
da "Cretevierte" di Roberto Ongaro
gnervôs adi.
(gner-vôs)
Di cualsisei fenomen o agjent, che al à une ande incostante, cun cambis imburîts (fig.)
sinonimi
balarin, instabil
Torna in Cima