Tu âs cirût la peraule
monolengâl
torne indaûr

monolengâl

gote s.f.
(go-te)
Piçule cuantitât di un licuit che al è daûr a colâ, di forme plui o mancul taronde
esemplis
"Eliseo al implenà di aghe il bussulot parsore la muele e al vierzè il rubinet par fâ colâ jù une gote a la volte"
gjavât fûr di "Prime di sere" di Carlo Sgorlon
"i ramaçs crots come mans neris cun gotis di rosade che a slusin tal soreli"
gjavât fûr di "I forescj" di Alan Brusini, Gian Paolo Linda
gote s.f.
(go-te)
Forme a ponte di une bande e staronzade e gruesse di chê altre
esemplis
"un diamant taiât a gote"
gote s.f.
(go-te)
[CO] (farm.) Unitât di misure par dâ di cjoli medisinâi, di uns 50 miligrams di soluzion di aghe o 40 di soluzion alcoliche, che si oten cul contegotis
esemplis
"al veve cjolt cuarante gotis di opi intune tace di aghe"
gjavât fûr di "Il cjâf dai furlans" di Franc Fari
gote s.f.
(go-te)
Cuantitât piçule o avonde piçule di licuit, ancje cence riferiment ae forme (fig.)
sinonims
got, sclip, lagrime
esemplis
"Judite che e à cjolt tal armâr une butilie, i met cualchi gote tal lat e cafè"
gjavât fûr di "Un pugn di moscjis" di Pieri Somede dai Marcs
"Ca, pre Nocent, che al bevi une gote!"
gjavât fûr di "Viaç a Vignesie" di Arturo Feruglio
gote s.f.
(go-te)
Buse par dulà che un licuit al passe in piçule cuantitât
esemplis
"comedâ il cuviert se la canaie lu butave par aiar cul lâ a nîts di passare, stropâ lis gotis"
gjavât fûr di "Lis predicjis dal muini" di Josef Marchet
"il tet, vieri come che al jere, al veve masse gotis par comedâlu"
gjavât fûr di "Il mâl dal mûr" di Lucio Perès
detulis
"e je la ultime gote chê che a lasse il savôr in bocje"
"e tire plui moscjis une gote di mîl che no un barîl di asêt"
"gote spesse e fore il clap"
"il bon formadi al è chel cu la gote"
"la gote continue e sbuse la piere"
"la gote continue e svuede il vassiel"
"miôr bevi une bote che no spandi une gote"
"ogni gote e cuince un fasûl"
"une gote di fêl e fâs amâr un grant pitêr di mîl"
"une gote di sinç e vuaste un pitêr di mîl"
torne sù