Tu âs cirût la peraule
monolengâl
torne indaûr

monolengâl

gustôs adi.
(gus-tôs)
Che al à un savôr fuart e bon
sinonims
saurît, golôs
esemplis
"il president e i conseîrs a cjacararin par un pôc dai argoments de sentade de matine, padinâts e gaiôs, mangjant un risot cui foncs "à la tessinoise", gustôs tant che mai"
gjavât fûr di "Un sorbet di limon" di Agnul di Spere
"lis lasagnis tal ont e son gustosis une vorone. Plui si mangje e plui si mangjaressin"
gjavât fûr di "I stivâi di Zuan Batiste" di Arturo Feruglio
"Mie si jere metude a misturâ il tabac di nâs: cuntun pugn di cinise e dôs gotis di vueli e vignive une prese plui che gustose"
gjavât fûr di "La gjate" di Pieri Menis
gustôs adi.
(gus-tôs)
Che al divertìs, che al fâs ligrie, in câs ancje cuntune ponte di malizie
sinonims
saurît, deliziôs, divertent, plasevul, simpatic, spiritôs, gjoldibil, plasint
esemplis
"Nene, la provine, e contave alc di gustôs là jù insom parcè che si sintì un sbuf di ridi"
gjavât fûr di "Sul cjar di Pauli Gurin" di Maria Forte
"traviers di un implant sureâl, al denunzie la realtât economiche e sociâl di un mont globâl e disumanizât. Ma Di Giusto lu fâs cuntune lizerece e cuntun sens de ironie che al rint gustose la narazion"
gjavât fûr di "I premiâts dal concors dal CEC" di Fabian Ros
torne sù