SuperDizionari

imbroiâ v.tr.
(im-bro-iâ)

[BF] Fâ che alc al formi grops o che al sedi fat sù in maniere complicade

sinonimi

ingropâ, intorcolâ, intorteâ, ingredeâ, gredeâ, involuçâ, imberdeâ

esempi

"ocjo di no imbroiâ il fîl"

imbroiâ v.tr.
(im-bro-iâ)

[BF] Stratignî impedint i moviments

sinonimi

imbarbaiâ, imberdeâ, ingjambarâ, ingropâ, leâ, peâ, intrigâ, ingredeâ

imbroiâ v.tr.
(im-bro-iâ)

Fâ deventâ plui complicât, plui disordenât, plui dificil (fig.)

sinonimi

berdeâ, complicâ, confusionâ, ingredeâ, ingropâ, incrosâ, gredeâ, imberdeâ

esempi

"i veve imbroiât ben e no mâl il troi par rivâ tal segret dal disc dûr: a man a man che al discrosave i codiçs di acès al cjatave altris puartis blocadis"

da "Codiç" di Spirt Anonim

imbroiâ v.tr.
(im-bro-iâ)

Ostacolâ cun problemis, dificoltâts (fig.)

sinonimi

gredeâ, impastoreâ, imberdeâ, ingredeâ, berdeâ, ingjambarâ, complicâ

esempi

"la facende e sarès lade benon se nol vignive lui a imbroiâ dut cuant"

da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

imbroiâ v.tr.
(im-bro-iâ)

Fâ che cdn. al crodi alc che nol è, soredut par vê un vantaç

sinonimi

burlâ, cjoli vie, freâ, freolâ, razirâ, strabuzarâ, ingjanâ, furducjâ, foti, taconâ, inculâ, rizirâ, cjapâ sot, imbussulâ

esempi

""Viôt di no lassâti imbroiâ - disè. - Ricuarditi ben che il mulinâr al à di tignîsi di muldure nome un scjif par stâr""

da "Il matescul di Cjabie" di Luigi Gortani

"«Ma no capissistu? … No tu capissis? … Mi à ruvinât… Mi à imbroiât … o ai firmât, firmât par lui, chê canaie… ». «Firmât? … Par trop? … Cetant? … ». «No sai cetant… Une vore… une vorone… »"

da "Chei di Muraie" di Pieri Menis

imbroiâ v.tr.
(im-bro-iâ)

Cirî di otignî un risultât, ancje a la miôr cu sei

sinonimi

imbroiâ sù, rangjâ, rangjâ sù, dâ dongje

esempi

"[...] dut il dì al zirave, / e al deventave mat / par imbroiâ il gustâ"

da "Antigaiis" di Pieri Çorut

imbroiâ v.tr.
(im-bro-iâ)

Fâ che alc che al è calcolât in cualchi maniere negatîf, pericolôs, fastidiôs e v.i. al passi cence vê masse efiet

esempi

"si àn milante manieris par imbroiâ il timp: viazâ, zuiâ, lâ in barcje o in avion, bevi, mangjâ, lâ a balâ [...]"

da "B123ST" di Raffaele Serafini

monolingue