SuperDizionari

impegnâ v.tr.
(im-pe-gnâ)

Fâ che cdn. al vedi di fâ une ativitât, che al vedi di meti lis sôs fuarcis, lis sôs capacitâts, il so timp in alc

sinonimi

meti sot

esempi

"il lavôr mi à impegnât a lunc, plui di ce che o pensavi"

da "I forescj" di Alan Brusini, Gian Paolo Linda

"dut il lavôr al è stât puartât indevant cun prestazions ocasionâls, colaborazions coordenadis, professioniscj esternis, impegnant tal complès su lis 40 personis"

da "Efiets economics e ocupazionâi des leçs di tutele de lenghe furlane" di Linda Picco, Sandri Carrozzo

impegnâ v.tr.
(im-pe-gnâ)

Fâ che une risorse, une fuarce, il timp e v.i. a vedin un efiet, a sedin destinâts a une cierte funzion

sinonimi

doprâ

esempi

"ogni cuâl volta che il Soldât al ven in una ocasion di batisi cul nemì, [al scuen] impegnâ dutis lis sô fuarcis par podêlu superâ"

da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat

impegnâ v.tr.
(im-pe-gnâ)

Fâ che alc nol sedi libar o disponibil par altris, cjapantlu o fasint savê che si lu cjaparâ

sinonimi

cjapâ, ocupâ

impegnâ v.tr.
(im-pe-gnâ)

Dâ alc tant che pegn in cambi di un prestit (ancje ass.)

sinonimi

meti in pegn

esempi

"co ju veve finîts, no rivave a comandâsi e, pûr di bevi, e impegnave sul Mont parfin lis coltris"

da "Barbe Masaniello" di Gianni Gregoricchio

"il mont di pietât, l'impegnâ e il dispegnâ a fasin part de mentalitât e de culture dal triestin"

da "Tanto cjapo e tanto magno" di Riedo Pup

impegnâ v.tr.
(im-pe-gnâ)

Meti in dovê di fâ alc in fuarce di ce che si à za decidût o concuardât

sinonimi

leâ, obleâ

esempi

"o vin ancje di tignî cont ce che e à permitût la leç Bassanini, cu la redazion di passe 100 Statûts che a impegnin i Comuns a pupilâ la lenghe furlane"

da "Il prin pas ai Comuns" di Luche Nazzi

monolingue