SuperDizionari

monolingue

impensâsi v.pron.tr., v.pron.intr.
(im-pen-sâ-si)

Vê presint te memorie

sinonimi

visâsi, ricuardâsi

esempi

"al à scugnût lâ a cirî la clâf - che no si impensave plui là che le veve imbusade"

da "I furlans e il muini" di Riedo Pup

"mi impensi di ce che mi contave mê puare none"

da "Gno barbe Sisto" di Lucio Perès

impensâsi v.pron.intr.
(im-pen-sâ-si)

Vê a cûr, cjapâsi cure di cdn. o di alc

sinonimi

visâsi, pensâsi, stâ daûr, viodi, tignî cont

esempi

"[il cjan di nissun] al passe par dongje / al mene le code / al cîr cualchidun / che si impensi di lui"

da "Il cjan di nissun" di Ennio Zampa

"e veve tant di chel cefâ a impensâsi di dut, a netâ di polvar lis antighis fotografiis, a fâ ordin tes vecjis cjartis"

da "Il sium di Lissandri" di Franca Mainardis

impensâsi v.pron.intr.
(im-pen-sâ-si)

Concepî cu la ment, fâ un pinsîr, un resonament

sinonimi

pensâ, pensâsi, considerâ, calcolâ

esempi

"la Dosche si invià, ma dopo cualchi pas si impensà che forsit e faseve mâl a tratâ chel puar om in chê forme"

da "Il cicin" di Meni Ucel

impensâsi v.pron.tr., v.pron.intr.
(im-pen-sâ-si)

Deventâ o jessi cussient, meti la atenzion su di alc o su di cdn.

sinonimi

imparcevisi, incjolisi, indâsi, indaviodisi, intaiâsi, rindisi cont, visâsi, acuarzisi, inacuarzisi

esempi

"[i fruts] a fasin des voltis stupidagjinis dome par che cualchidun si impensi di lôr"

da "Sul florî" di AAVV

"spierdûts ta cuatri cjasis fumulis, ta un bûs dal Friûl, coma faia il Signour a impensâsi di nû? A si nas, a si vîf, a si mour. E Lui a nol sa nuia"

da "I Turcs tal Friûl" di Pier Paolo Pasolini

proverbi

"a la sense cui che al à ce fâ, si impense"

Torna in Cima