Hai cercato la parola
monolingue
Torna indietro

monolingue

impiâsi v.pron.intr.
(im-pi-â-si)
Scomençâ a brusâ
sinonimi
piâsi, inflamâsi
esempi
"il vieli al batè l'açalin e la lescje si impià"
da "La aghe da pît la cleve" di Dino Virgili
" la brama di eternitât a si ingruma ta lis nots di vegla ai muarts, cuant che a si impiin i foucs grancj tai fogalârs"
da "Cença sunsûr" di Novella Cantarutti
impiâsi v.pron.intr.
(im-pi-â-si)
Massime di alc che al à mecanisims, un motôr o che al prodûs lûs, metisi in vore
sinonimi
piâsi
esempi
"di bot la see si impie e e tache a zirâ simpri plui svelte"
da "B123ST" di Raffaele Serafini
"si tornin a impiâ ducj i lampions de strade"
da "La dentiere pierdude" di Francesca Gregoricchio
impiâsi v.pron.intr.
(im-pi-â-si)
Di cualsisei robe che si puedi paragonâ cul fûc, cu la lûs o cuntun mecanisim, tacâ a fâsi sintî, metisi in vore (fig.)
sinonimi
piâsi
esempi
"a viodisi crots lis voiis a si impiin e, par distudâlis, si sa ce che i vûl…"
da "Int di masnade" di Alviero Negro
"il so istint al torne a impiâsi di bo"
da "Lamis" di Jacum Trevisan
impiâsi v.pron.intr.
(im-pi-â-si)
Cjapâ fuarce, viamence o ancje entusiasim, gnervôs, rabie o cualsisei robe che si puedi paragonâ cul fûc (fig.)
sinonimi
piâsi, inflamâsi
esempi
"a chestis primis bagaiadis, a tignirin daûrji sivîi, berladis, batimans e cualchi porconon. La int e leve impiantsi come lis cjandelis tes cuarante oris"
da "La cjase di Toni" di Tarcisio Venuti
"al fo un cjadaldiaul. Betilde si sfuarçà a pensâ peraulis maris par impiâsi di rabie"
da "La cotule di none Betilde" di Maria Forte
impiâsi v.pron.intr.
(im-pi-â-si)
Deventâ ros, cjapâ colôr di fûc (fig.)
sinonimi
piâsi, inflamâsi
esempi
"là jù, la lagune si impiave di sanc ta chel lamp di amont di Dicembar"
da "La aghe da pît la cleve" di Dino Virgili
impiâsi v.pron.tr.
(im-pi-â-si)
Impiâ alc di se stes, par se stes e v.i.
esempi
"Lulù si impiave un spagnolet in bocje"
da "Eivissa mon amour" di Fabian Ros
proverbi
"cui che al à la code di stran al à simpri pôre che si impii"
"la stope dongje dal fûc si impie"
Torna in Cima