SuperDizionari

impiât adi.
(im-pi-ât)

Che al bruse, che al è cjapât des flamis, che al à fûc

sinonimi

piât

esempi

"il cusinon dai nonos al jere plen di lûs, cuntun fogolaron simpri impiât"

da "Il cuader de none" di Pieri Menis

"o durmivi beât dongje di Jole, te cjamare cu la stue impiade"

da "Il dolfin" di Carlo Sgorlon

impiât adi.
(im-pi-ât)

Di aparât, spec. a motôr o par fâ lûs o eletric, in vore

esempi

"lu spietavin fasint cercli cu lis lampadinutis impiadis"

da "Il muc" di Roberto Ongaro

"al vignive Gjani cu la sô machine, che al lassave cul motôr impiât par pontâ lis lûs"

da "Faliscjis" di Cristina Noacco

impiât adi.
(im-pi-ât)

Che al slûs, che al fâs lûs (fig.)

sinonimi

luminôs, lusint, lusorôs, sflandorôs

esempi

"i colms crots dai cuvierts si imparevin nets tun cîl impiât"

da "La aghe da pît la cleve" di Dino Virgili

impiât adi.
(im-pi-ât)

Che al è deventât o che al è ros di colôr

sinonimi

di fûc, in bore, infogât

esempi

"cuietiti, no viodistu che tu âs la muse impiade come un lampion?"

da "Cjase di Dalban" di Maria Forte

"modon crût e grîs imprin, po ros come impiât"

da "Mabile la Lunghine" di Maria Forte

impiât adi.
(im-pi-ât)

Cjapât o caraterizât di ecitazion, passion, di slanç, di violence e v.i. (fig.)

sinonimi

ardint, di fûc, imbuît, in bore, inflamât, sfolmenât

esempi

"une dì, tal peteç che al tignive impiât il paîs al jentrà il discors di Nardin Barache, un om di mieze etât, che le saveve lungje"

da "Chei di Muraie" di Pieri Menis

"la Gjermanie e jere impiade, e tal mês di Jugn dal '41 e tacà la Russie"

da "Cuintristorie dal Friûl dal 1866 fint in dì di vuê" di Francesc Placerean

impiât adi.
(im-pi-ât)

Di un contrat, massime di une polize o di un prestit, che al à tacât a jessi in vore

esempi

"fâ front al paiament dai mutuis impiâts par comprâ cjasis"

da "Il futûr dal Friûl: laude ae “no sotan” economy" di Fulvio Mattioni

monolingue