Hai cercato la parola
monolingue
Torna indietro

monolingue

implantâ v.tr.
(im-plan-tâ)
Meti inte tiere une semence o une plantute o ancje une culture par che e cressi
sinonimi
impastanâ, pastanâ, semenâ, plantâ
esempi
"sot dal miluçâr e ator ator o vevi implantadis cuatri o cinc rosis"
da "La scuele dai fornasîrs" di Pieri Menis
"a era Maria Sabaa uì di là che a implantava patati"
da "La Santa" di Novella Cantarutti
implantâ v.tr.
(im-plan-tâ)
Fâ jentrâ alc in alc altri, in mût che al jentri ben indentri, che al stedi dret o che al stedi fis
sinonimi
cjaçâ, cjalcjâ, ficjâ, impirâ
esempi
"lis ruedis si infondin tal savalon, a lassin daûrsi dôs cjaradoriis lungjis come une ferade. I cjavai a implantin lis talpis fin avuâl dai sghirets"
da "La aghe da pît la cleve" di Dino Virgili
implantâ v.tr.
(im-plan-tâ)
Cui stes significâts di "meti", ma cun valôr plui fuart (fig.)
sinonimi
meti, sgnacâ, poiâ, plantâ, ficjâ
esempi
""[...] vûstu capîle di jessi plui trist! O âstu di spietâ che i aversaris ti implantin il comedon tes cuestis par capîlu?""
da "Donald dal Tiliment" di Stiefin Morat
implantâ v.tr.
(im-plan-tâ)
Dâ principi, fâ scomençâ une azion, une ativitât, un sisteme, un fenomen e v.i.
sinonimi
inviâ
esempi
"no son i autonomiscj furlans che e pretindin di implantâ une autarchie regjonâl; a son i aversaris che a fasin fente di cjapâle di chê bande par vê cualchi rimpin cuintri di nô"
da "Fevelâ par dibant" di Josef Marchet
"Toni Fornasarig, il prin che al implantà une industrie de cjadree a Manzan intal 1891"
da "Viaç a strichis te storie di Manzan" di Laurin Zuan Nardin
"meteitsi a taulin, / implantait la partide e scomencìn"
da "Pes gnocis Latis-Venture" di Pieri Çorut
implantâ v.tr.
(im-plan-tâ)
Lassâ a la improvise cdn. o lâ vie a la improvise di un puest o ancje di une situazion, di une cundizion e v.i. (fam.)
sinonimi
molâ, lassâ, bandonâ, plantâ
esempi
"la gortane confusionade a implante la revendiule cuntun "Lait a fâsi frizi!""
da "Al marcjât di Vile" di Luigi Gortani
implantâ v.tr.
(im-plan-tâ)
In sens une vore larc, fâ alc, in gjenar cun decision, cun risultâts incisîfs e v.i. (fig.)
esempi
"[i malâts] se la muinie no jere, a implantavin une balfuerie tra di lôr tirantsi lis cuzinis e ogni folc che ur vignive tes mans"
da "Il malât di Cime Undis" di Alan Brusini
Torna in Cima