SuperDizionari

impussibil adi.
(im-pu-ssi-bil)

Che nol pues jessi, che nol pues sucedi, che no si pues inverâ, che no si pues fâ e v.i.

esempi

"par un pôc Eliseo al procurà di no sporcjâsi, po dopo al capì che al jere impussibil e no i abadà plui"

da "Prime di sere" di Carlo Sgorlon

"Ce ise la muart? Parcè? Dulà saraial so pari cumò? Impussibil che nol sedi plui"

da "Par stradis lungjis" di Alan Brusini

Vedi anche: impossibil, impussibul, impossibul

impussibil adi.
(im-pu-ssi-bil)

Une vore dûr, dificil e v.i. (iperb.)

sinonimi

grivi, impestât, ledrôs

esempi

"pal nazionalisim talian [...] i furlans a son barbars ignorants che a fevelin un dialet impussibil di capî"

da "La gubane, o ben la fortune di jessi la puarte de Europe orientâl" di Sandri Carrozzo

impussibil adi.
(im-pu-ssi-bil)

Di alc o di cdn., che no si rive a sopuartâ (fam.)

sinonimi

insopuartabil, trement, teribil, di murî

esempi

"no, no, al è impussibil lâ indenant in cheste maniere… bisugne propit che cambii parone"

da "Lassait che mi sbrochi!" di Pieri Somede dai Marcs

"ce âstu vuê che tu sês impussibil?"

"l'ambient impussibil / la spusse, il calôr / ti siare la gole / il cjâf ti va ator"

da "Ai piombi" di Romeo Battistig (?)

impussibil adi.
(im-pu-ssi-bil)

Che nol permet di fâ alc

esempi

"al è un timp impussibil, nancje pensâ di lâ fûr a fâ cuatri pas"

"e je une biele borse, ma e à un presit impussibil"

impussibil s.m.
(im-pu-ssi-bil)

Ce che nol è pussibil

esempi

"si son butâts fûr, [...] cirint ripârs che no jerin, sperant tal impussibil [...] I alpins de vincjesime dal bataion Cividât a colavin come moscjis"

da "Tinut di Libro" di Pieri Menis

"i furlans no domandin l’impussibil. Dome chel che ur spiete"

da "Rai e Ministeri difidâts" di Erika Adami

monolingue