Hai cercato la parola
monolingue
Torna indietro

monolingue

incrosâ v.tr.
(in-cro-sâ)
Meti a forme di crôs o che si pues someâ cuntune crôs, cun elements che si passin un parsore di chel altri in maniere trasversâl
esempi
"al pleà in doi il cussin, al incrosà i braçs daûr il cjâf e si metè a cjalâ difûr"
da "Prime di sere" di Carlo Sgorlon
incrosâ v.tr.
(in-cro-sâ)
Di une linie o di une element lunc, passâ alc in maniere trasversâl o plui o mancul trasversâl
sinonimi
taiâ, traviersâ, scjavaçâ
esempi
"un pôc plui indevant, la strade e incrosave chê che e vignive sù di Vât"
da "Trê feminis" di Gianni Gregoricchio
"al veve let che il tunel stradâl al jere dibot paralêl a chel feroviari e che a un ciert pont lu incrosave passantji parsot"
da "Fieste di inaugurazion" di Agnul di Spere
incrosâ v.tr.
(in-cro-sâ)
Cjatâsi cun cdn. o cun alc che al ven de bande contrarie
sinonimi
cjatâ, cjatâsi, imbatisi, intivâ, intivâsi, intopâsi, scuintrâsi, scuintrâ, incuintrâsi, incuintrâ, incrosâsi
esempi
"cuant che al tornave indaûr, al incrosà Rita e Ricardo che a jessivin di cjase in chel moment"
da "Prime di sere" di Carlo Sgorlon
"al vîf la sô vite, sclet e mugnestri, cence fâi mâl a dinissun. Se mai al po, al procure anzit di fâi un fregul di ben ae int che al incrose pe strade"
da "Storie di Min" di Ivano Urli
incrosâ v.tr.
(in-cro-sâ)
[TS] (biol.) Fâ che si fecondin dôs speciis o razis diferentis di animâl o di vegjetâl
sinonimi
ibridâ, cubiâ
esempi
"si à provât a incrosâ varietâts europeanis preseadis cun speciis e varietâts nordamericanis che a jerin za gjenetichementri resistentis ai foncs e a la filossare de vît"
da "Lis varietâts di vît resistentis a lis malatiis" di Enrico Peterlunger
incrosâ v.tr.
(in-cro-sâ)
Meti dongje elements diviers in mût di otignî un ciert efiet
sinonimi
messedâ, misturâ, miscliçâ, cubiâ, dâ dongje, meti dongje
esempi
"[il film "Mugulis"] cul incrosâ in maniere origjinâl gjenars tant che video-art e documentari di memorie, al fâs saltâ fûr il rapuart fuart jenfri il popul dal flum e la sô tiere: la aghe"
da "I premiâts da la Mostre dal Cine Furlan" di Fabian Ros
incrosâ v.tr.
(in-cro-sâ)
Meti in confront elements o listis di elements in mût di cjatâ analogjiis e diferencis
esempi
"incrosant cheste liste cui dâts dal corpus, si viôt che lemis furlans corispondents a talians FO e ÛA a cuvierzin tor dal 91% dal ûs"
da "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot
incrosâ v.tr.
(in-cro-sâ)
[TS] (sport) Tal balon, fâ un passaç che al taie il cjamp in maniere trasversâl
esempi
"tu devis fâ trê pas e po passâle a Carli che al incrose a diestre! E no butâle dulà che tu âs voie tu"
da "Donald dal Tiliment" di Stiefin Morat
incrosâ v.tr., v.intr.
(in-cro-sâ)
[TS] (aer.) Passâ ancje plui di une volte te stesse zone
Torna in Cima