Hai cercato la parola
monolingue
Torna indietro

monolingue

indaûr av.
(in-da-ûr)
Intal viers contrari a chel normâl, te direzion contrarie rispiet a chê che si leve
esempi
"i carabinîrs a sburtavin indaûr la int cu lis sclopis"
da "La aghe da pît la cleve" di Dino Virgili
"[i bersalîrs] a cjaminavin simpri sticâts butant indaûr il cjâf, cul çuf des plumis, come cjavai ombrîts"
da "Cjase di Dalban" di Maria Forte
Vedi anche: indavûr, indavôr
indaûr av.
(in-da-ûr)
Plui indentri, in posizion lontane rispiet a un pont di riferiment, spec. rispiet a un confin, ae linie dal mâr e v.i.
esempi
"pericul di cuâl? Si lavore indaûr, tai puescj ben parâts cuant che lontan a scombatin"
da ""Nocent"" di Maria Forte
indaûr av.
(in-da-ûr)
In complements di timp, par segnâ un tiermin tal passât
sinonimi
za fa, fa
esempi
"sot de loze dal vecjo municipi a jerin bielis pituris di cinccent agns indaûr"
da "Lis leiendis di Buie" di Pieri Menis
"mi visi agns indaûr di une gnot stelade come cheste"
da "Lady Marmalade" di Checo Tam
"o soi lât a seâi il prât a une femine di setante agns [...] che mi veve domandât chest plasê ancjemò une setemane indaûr"
da "Sul florî" di AAVV
indaûr av.
(in-da-ûr)
Une altre volte
sinonimi
ancjemò, inmò, di gnûf
esempi
"al disvuedà la tace e al tornà a jemplâle indaûr"
da "Tal ospedâl" di Amedeo Giacomini
"el Signôr e sant Pieri si metin indaûr a cjaminâ; e cjamine che ti cjamini gji capite indaûr sêt"
da "El Signôr al cjastie i avârs e al premie chei di bon cûr" di Dolfo Zorzut
indaûr adi.inv., av.
(in-da-ûr)
Che al sucêt in ritart
esempi
"chel an a jerin indaûr no dome lis lunis, ma ancje la criùre tacade aes lunis"
da "La tiere di Lansing" di Maria Forte
indaûr adi.inv., av.
(in-da-ûr)
Ancjemò lontan di une fin, di une soluzion, di un risultât e v.i.
esempi
"o sin indaûr cui lavôrs"
da "Il prossim" di Pieri Somede dai Marcs
"lis soluzions tecnologjichis proponudis [par sparagnâ energjie tai traspuarts] a son ancjemò indaûr e parziâls "
da "Autonomie energjetiche nol vûl dî autarchie" di Matteo Mazzolini
indaûr adi.inv., av.
(in-da-ûr)
Che al è restât a un nivel plui bas di disvilup economic, culturâl, sociâl
sinonimi
deprès, sotsvilupât, primitîf
esempi
"si po viodi cetant indaûr che si è in Italie cui ordenaments aministratîfs"
da "No sin contents!" di Josef Marchet
indaûr adi.inv., av.
(in-da-ûr)
Leât a valôrs o preiudizis dal passât, che nol vûl o che nol rive ben a acetâ lis novitâts
sinonimi
lât in vieri, ranzit, superât, vecjo, vieri, passât, conservadôr, reazionari, codarûl
esempi
"o soi indaûr come la code dal mus. Lu sai!"
da "L'orloi de muart" di Checo Tam
"chei che a disin che e je ore di cambiâ a son cjampaniliscj, separatiscj, austriacants, indaûr, parcè che a pretindin masse"
da "Cuintristorie dal Friûl dal 1866 fint in dì di vuê" di Francesc Placerean
indaûr adi.inv., av.
(in-da-ûr)
Che nol capìs ben, che nol è tant svelt di inteligjence o che nol à istruzion
sinonimi
stupit, gnogno, ignorant
esempi
"macacos! sêso cussì indaûr!"
da "La cartuline" di Alan Brusini
"Dree al veve 14 agns ma al jere une vore indaûr e nancje svilupât"
da "La haine" di Checo Tam
"o disonorìn il nestri Friûl cul mostrâsi plui indaûr dal ultin vagon dal vapôr"
da "Lis predicjis dal muini" di Josef Marchet
proverbi
"cuant che si crôt di là un pas indenant, si va doi indaûr"
"cui che al sta indaûr no i rivin i claps ma i rive l'odôr"
"feminis a 'nd è trê al carantan, e il carantan indaûr"
"feminis a 'nd è trê al solt, e il solt indaûr"
"par consolâsi baste cjalâsi indaûr"
"se tu mangjis luvins e tu ti voltis indaûr tu viodarâs cualchidun a mangjâ lis scussis"
Torna in Cima