SuperDizionari

indipendence s.f.
(in-di-pen-den-ce)

Cundizion personâl, economiche, spirituâl li che si è dal dut libars di decidi e di agjî, cence vê di ubidî a altris

sinonims

autonomie, libertât

esemplis

"al veve finalmentri capît che i bêçs a son indipendence e nome cun lôr te sachete un om al po ce che al vûl"

gjavât fûr di "Alpin jo mame!" di Alan Brusini

Viôt ancje: indipendenzie

indipendence s.f.
(in-di-pen-den-ce)

Il no dipendi o il no derivâ di altris, il costituî une realtât par so cont rispiet a altris

esemplis

"prime di dut si presente la discussion su la indipendence glotologjiche dal furlan a rivuart dal sisteme dialetâl talian"

gjavât fûr di "Autonomie e lengaç" di Josef Marchet

"une diference di cheste fate [tra benandants e terapeutis] e je dure di motivâle se no cuntune diversitât e indipendence di origjin e di tradizion"

gjavât fûr di "Benandants e Terapeutis / Terapeutidis" di Sandri Carrozzo

indipendence s.f.
(in-di-pen-den-ce)

Cundizion di un paîs che al à un stât sovran, che nol è sot di un stât plui grant o sot di un domini forest

sinonims

libertât

esemplis

"la idee da la indipendence nazionalistiche, dopo di vê mandât a fruçons chest continent, dopo di vê semenât il tuessin dai odis tra i popui e il malan des vueris a ripetizion, e je rivade sul ôr dal faliment"

gjavât fûr di "Su altris fondis" di Josef Marchet

" il Guvier irlandês legjitim (Dáil Èireann), cul so president Eamon de Valera, al veve proclamât la indipendence de Republiche di Irlande"

gjavât fûr di "La seconde Irlande" di Carli Pup

monolengâl