SuperDizionari

indipendent adi.
(in-di-pen-dent)

Che nol dipent di altris, che nol è subordenât, che nol à vincui

sinonimi

autonom, autosuficient, libar

esempi

"mi someave di no vê la autonomie che e bastave par vivi cence Martin, par dâi forme a la mê esistence in maniere indipendente"

da "Il dolfin" di Carlo Sgorlon

"zoventût alegre, senze fastidis, passionade pa la art e pa vite libare, francje, indipendent, che a voltis no sa neâsi nissun plasê"

da "La Madalene" di Zuan Lurinçon

indipendent adi.
(in-di-pen-dent)

Di stât, nazion, comunitât, teritori e v.i., che pes sieltis politichis o militârs nol dipent di un altri stât

esempi

"un sondaç comissionât de la Repubblica a Ivo Diamanti, za cualchi mês, al concludeve che scuasit il 70% dai furlans al è par un Friûl indipendent"

da "Il risultât eletorâl dai partîts di identitât teritoriâl - A case study: Scottish National Party" di Sergio Ceccotti

indipendent adi.
(in-di-pen-dent)

Di grup, moviment, associazion, che nol dipent di un stât, di un guvier, di un partît o di un grant grup di podê

sinonimi

libar

esempi

"la ELEN - European Language Equality Network [...], une organizazion indipendente che e ten dongje une schirie di associazions e altris entitâts che a son espression di minorancis e nazionalitâts"

da "Comunicazion sanitarie, lenghis minorizadis dismenteadis dai guviers" di Marc Stolf

indipendent adi.
(in-di-pen-dent)

Di editôr, cjase discografiche o audiovisive, che nol dipent di grancj grups

esempi

"un esperiment interessant de bande di un produtôr indipendent al è stât par esempli chel de serie Felici ma furlans, che e à vût une vore di preseaments"

da "Interviste cun Giorgio Cantoni" di Fabian Ros

indipendent adi., s.m.
(in-di-pen-dent)

[TS] (polit.) Che, cui che si presente candidât te liste di un partît dulà che nol è iscrit o che al à une incjarie politiche cence jessi iscrit tun partît

esempi

"Di Cjaurià al veve dimissionât in maniere clamorose dal Mf tal 1972 restant conseîr regjonâl indipendent"

da "Memoriis di politiche linguistiche" di Adrian Cescje

monolingue